अवरुद्ध रसुवागढी नाका जोड्ने सडक खुल्यो

भदौ १३, २०७६ शुक्रबार ८:७:१२ | उज्यालो सहकर्मी

रसुवा – आइतबारदेखि अवरुद्ध भएको रसुवागढी नाका जोड्ने सडक चार दिनपछि पूर्ण रूपमा सञ्चालनमा आएको छ ।

पासाङल्हामु मार्गको राम्चे–धुन्चे सडक खण्ड अन्तर्गत पर्ने ब्राबल भीरमा सडक भासिएपछि आइतबारदेखि आंशिक रूपमा सडक सञ्चालनमा ल्याइएको थियो । मंगलबार बिहानदेखि पहरामा होल खोप्ने काम सुरु भएको थियो ।

केही समयमा लागि सवारी साधन अस्थायी रूपमा पास हुने व्यवस्था मिलाइएको थियो । पुनः वर्षा हुँदा जुनसुकै समयमा सडकमा क्षति हुन सक्ने सम्भावना भएकाले ब्लाष्टिङ गरेर सडक निर्माण गरी सञ्चालनमा ल्याइएको प्रमुख जिल्ला अधिकारी अर्जुन भण्डारीले बताउनुभयो ।

छेउतर्फ पर्खाल लगाउन बढी समय लाग्ने प्राविधिकले निचोड निकालेपछि विष्फोटक पदार्थको सहायताले पहरो फुटाएर सडक खुलाइएको हो ।

बिहीबार साँझसम्ममा ६० वटा होल खोपेर ब्लाष्टिङ गरिएको थियो । सडक पूर्ण रूपमा सञ्चालनमा आएसँगै सवारी साधनलाई आवत–जावत गर्न सहज भएको छ ।

अन्तिम अपडेट: कात्तिक २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्