संखुवासभामा पहिलो पटक पाँच जनामा डेंगु देखियो

भदौ १८, २०७६ बुधबार ११:५०:५२ | नवीन गुरुङ

संखुवासभा – संखुवासभामा पहिलो पटक पाँच जनामा डेंगु देखा परेको जिल्ला अस्पताल खाँदबारीले जनाएको छ ।

अहिलेसम्म जिल्ला अस्पताल खाँदबारीमा दुई जना, तुम्लिङटारको मनकामना अस्पतालमा दुई जना र खाँदबारीमा नै रहेको गोपालभगत अस्पतालमा एक जनालाई डेंगु देखिएको पुष्टि भएको जिल्ला अस्पताल खाँदबारीका मेडिकल सुपरिन्टेण्डेन्ट डाक्टर लक्ष्मण खड्काले बताउनु भयो ।

खड्काका अनुसार केही समयअघि जिल्ला अस्पतालमा चेकजाँच गर्न आएका एक जनामा डेंगुको शंका लागेर नमुना स्वास्थ्य मन्त्रालयमा पठाएका थियौँ, नमुनाको आधारमा डेंगु लागेको पुष्टि भएको सुपरिन्टेण्डेन्ट खड्काले बताउनु भयो ।

त्यसपछि जिल्ला अस्पतालमा चेकजाँच गर्न आएका खाँदबारी–८ घर भएका ३० वर्षीय सुनील श्रेष्ठलाई समेत डेंगु देखिएको उहाँको भनाइ छ । सुनिल पेसाले ड्राइभर हुनुहुन्छ र उहाँ प्रायजसो धरान, इटहरी र खाँदबारी गरिरहनु हुन्छ । उहाँमा उतैबाट रोग सरेको हुन सक्ने अस्पतालले आशंका गरेको छ ।

साथै घरबाट बाहिर टाढा नगएका खाँदबारी–९ का नारायण लम्साल र संगीता मगरलाई समेत डेंगु देखिएको हो । उनीहरुलाई तुम्लिङटारको मनकामना अस्पतालमा चेकजाँच गर्ने क्रममा डेंगु रहेको पत्ता लागेको हो ।

त्यसैगरी सदरमुकाम खाँदबारीमा नै रहेको गोपालभगत अस्पतालमा खाँदबारी–३ मानेभञ्जाङ्गकी उषा श्रेष्ठलाई डेंगु देखियो । श्रेष्ठ पनि घर नजिकैको शिक्षण पेसामा आबद्ध हुनुहुन्छ । सम्पूर्ण प्रतिवेदन जिल्ला अस्पतालमा पठाइ सकिएको अस्पतालका व्यवस्थापक प्रकाश श्रेष्ठले जानकारी दिनुभयो ।

केही समयअघि सदरमुकाम खाँदबारीभन्दा बाहिर धरान, विराटनगर आवातजावात गर्नेहरुलाई मात्रै डेंगु लागेको आंशका गरिएको थियो । तर अहिले खाँदबारीभन्दा बाहिर नगएकाहरुलाईसमेत डेंगु देखा परेको जिल्ला अस्पतालका डा. खड्काले बताउनु भयो ।

डेंगु एडिज नामको लामखुट्टेको टोकाइबाट सर्ने गर्छ । विशेषगरी गर्मी मौसम र गर्मी ठाउँमा देखिने गर्छ ।

सुरुमा टाउको दुख्ने, सामान्य ज्वरो आउने, वान्ता हुने, पसिना आउने, हाडजोर्नी, मांशपेशी र नसाका साथै आँखाका गेडीहरु दुख्ने जस्ता भाइरलका लक्षणहरु नै देखापर्ने डा. खड्काको भनाइ छ । संखुवासभा जस्तो चिसो हुने पहाडी क्षेत्रमासमेत डेंगु देखा पर्नु अलि अनौठो मानिएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्