चित्रको माध्यमबाट चिनिन पाउँदा गर्व महसुस हुन्छ : किरण मानन्धर

भदौ २०, २०७६ शुक्रबार १८:३७:४३ | उज्यालो सहकर्मी

काठमाण्डौ – ललितकला प्रज्ञा प्रनिष्ठानका उपकुलपति तथा वरिष्ठ चित्रकार किरण मानन्धरको चित्रकला प्रदर्शनी सुरु भएको छ ।

जावलाखेलमा रहेको ‘अगेनो : द हेस्टिया’ मा चित्रकार मानन्धरको आत्मा चित्रकला प्रदर्शनी भदौ २० देखि असोज ३ गतेसम्म चल्नेछ । शुक्रबार प्रतिनिधिसभा सदस्य तथा उद्योगी विनोद चौधरी, वरिष्ठ चिकित्सक भगवान कोइरालालगायतले चित्रकला प्रदर्शनीको शुभारम्भ गर्नुभएको हो ।

विशेष गरी क्यानभासमा अब्स्ट्रयाक (अमूर्त) चित्र कोर्न रुचि राख्नुहुन्छ, किरण मानन्धर । यो चित्रकला प्रदर्शनीमा पनि उहाँका आत्मासँग जोडिएका अमूर्त चित्रकलाको अवलोकन गर्न सकिन्छ । प्रदर्शनीमा राखिएका चित्रहरु आफ्नो आत्माको भित्रैदेखि उब्जिएका अभिव्यक्तिहरु भएको मानन्धर बताउनु हुन्छ ।

सेतो कपडा र रङको प्रयोग गरेर झण्डामा उतारिएको चित्रकलाले सिधै मानिसको मनलाई छुने उहाँले विश्वास लिनुभएको छ । चित्रकारले कहिल्यै पनि योजना नबनाउने र आफूले पनि मनमा उठेका भावनालाई अमूर्त रुपमा उतार्ने गरेको मानन्धर बताउनुहुन्छ ।

कार्यक्रममा बोल्दै चित्रकार मानन्धरले आफू र चित्रकलाको सम्बन्ध अन्योन्याश्रित भएको बताउनु भयो । उहाँले भन्नुभयो, ‘चित्रको माध्यमबाट चिनिन पाउँदा मलाई गर्वको महसुस हुन्छ । तर राज्यले भने चित्रकलालाई त्यति महत्व दिएको छैन, यसमा राज्यले ध्यान दिनुपर्छ ।’

त्यस्तै प्रतिनिधि सभा सदस्य तथा उद्योगी विनोद चौधरीले मानन्धर र आफ्नो सम्बन्ध निकै पुरानो रहेको बताउनु भयो । ‘हामी दुईलाई चित्रले नै नजिक बनाएको हो । उहाँले चित्रकलाको माध्यमबाट नेपाललाई विश्वभरि नै चिनाउनु भएको छ ।’ मानन्धरको चित्रकला सधैँ आत्मासँग जोडिने र त्यसले आफूलाई आकर्षित गर्ने उहाँले बताउनुभयो ।

वरिष्ठ चिकित्सक कोइराला भने कार्यक्रममा केही ठट्यौली पारामा प्रस्तुत हुनुभयो । उहाँले भन्नुभयो, ‘म चिकित्सा क्षेत्रको अनि यो कार्यक्रम चित्रकलाको, मलाई किन बोलाइयो म छक्क छु तर यस्ता वरिष्ठ व्यक्तिहरुको माझमा मलाई पनि बोलाउनु भएकोमा आफैलाई भाग्यमानी ठान्छु ।’ उहाँले मानन्धरलाई आउने दिनका लागि शुभकामना पनि दिनुभयो ।

कार्यक्रममा वरिष्ठ चित्रकार मानन्धरले चिकित्सक कोइरालालाई सुन्दर चित्रकला मायाको चिनोको रुपमा प्रदान गर्नु भएको थियो । कार्यक्रमका अतिथिहरुले चित्रकला प्रदर्शनीको अवलोकन पनि गर्नुभएको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्