गरिब परिचयत्र वितरण सुरु

असार २९, २०७५ शुक्रबार १६:३९:३६ | गोपाल भण्डारी

कपिलवस्तु - देशमैै पहिलो पटक कपिलवस्तुकाे मायादेवी गाउँपालिकाबाट गरिब घरपरिवार परिचय पत्र वितरण सुरु गरिएकाे छ । कृषि, भूमि व्यवस्था तथा सहकारी मन्त्री चक्रपाणी खनालले कपिलवस्तुकाे मायादेवी गाउँपालिका ६ डुमरामा शुक्रबार गरिब घरपरिवार परिचय पत्र वितरण गरेर अभियान सुरु गर्नुभएकाे हाे ।

कपिलवस्तु लगायत देशका २६ जिल्लामा अाजबाट पहिलो चरणमा यस्तो परिचयपत्र वितरण सुरु भएकाे छ । बाँकी ५१ जिल्लामा भने आगामी दुई वर्षमा गरिब परिचय पत्र वितरण गर्ने सरकारले लक्ष्य लिएको मन्त्री खनालले बताउनुभयाे ।

अति गरिबका लागि रातो कार्ड, सामान्य गरिबका लागि पहेलो कार्ड र गरिबका लागि निलो कार्ड गरी तीन किसिमका कार्ड वितरण गरिएको छ ।

सरकारले पाँच वर्ष अघि तथ्याङ्क संकलन गरेर तीन किसिमका गरिब घर परिवार पहिचान गरेको थियो । पहिचान गरेकै अाधारमा उनीहरुलाई अति गरिव, सामन्य गरिव र गरिव गरेर तीन तहमा विभाजित गरिएको छ ।

पहिलो चरणमा २६ जिल्लाका तीन लाख ९४ हजार गरिब घरपरिवारलाई कार्ड वितरण गर्ने सरकारको लक्ष्य छ । १२ लाख ५० हजार घरपरिवारमा सर्वेक्षण गर्दा ३ लाख ९१ हजार ८३१ घर परिवार गरिबीको रेखा मूनि रहेको तथ्यांकले देखाएकाे छ । बाँकी ५१ जिल्लाका लागि प्रश्नावली तयार भइसकेकाे छ ।

अधिकारीहरुले यस्तो परिचयपत्रले तत्काल केही सुविधा नभएपनि सरकारलाई गरिबमैत्री नीति तथा कार्यक्रम बनाउन सहयोग पुग्ने विश्वास लिएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्