नेपाली चलचित्रको श्रीवृद्धिका लागि सधैँ प्रतिबद्ध छाैँ : बाेर्ड अध्यक्ष भट्टराई

भदौ २६, २०७६ बिहीबार १३:५७:८ | उज्यालो सहकर्मी

काठमाण्डौ – चलचित्र विकास बोर्डका अध्यक्ष केशव भट्टराईले नेपाली चलचित्रको श्रीवृद्धिका लागि आफूहरु सधैँ प्रतिबद्ध रहेको बताउनुभएको छ ।

काठमाण्डौको प्रज्ञा प्रतिष्ठानमा बिहीबारदेखि सुरु भएको ‘राष्ट्रिय चलचित्र कन्फ्रेन्स’को उद्घाटन गर्दे उहाँले बोर्डको प्राथमिकता र कार्यक्रमहरु सधैँ नेपाली चलचित्रको वृद्धि विकासमा केन्द्रित हुँदै आएको बताउनुभएको हो ।

भविष्यमा नेपाली चलचित्रको विकास र सम्मृद्धिका लागि सिर्जनशीलताको साथै प्रविधिको सही सदुपयोग अत्यावश्यक रहेको भन्दै उहाँले चलचित्रसम्बन्धी विधेयकमा आवश्यक सुझाव दिन सम्बन्धित सबैलाई आग्रह गर्नुभयो ।

विधेयक बोर्डको वा सरकारको मात्रै नभएको भन्दै उहाँले समग्र चलचित्र क्षेत्रको वृद्धि विकास र यस क्षेत्रका कलाकार, लगानीकर्ता सबैको हित अनुकुल बनाउँदै समग्र नेपाली चलचित्रलाई समृद्धिको बाटोमा डोर्याउने कानुनी दस्तावेज भएकाले सबैको रायसुझावले महत्व राख्ने बताउनुभयो ।

उहाँले भारतीय फिल्म अवार्ड आईफा अवार्ड एक निजी टेलिभिजनको आफ्नो कार्यक्रम भएकाले त्यसमा नेपाल सरकारको लगानी हुन नहुने तर्क गर्नुभयो । हरेक वर्ष भारत बाहिर अवार्ड गर्दै आएको आईफाका आयोजकले यस वर्ष भने भार मा नै अवार्ड गर्न लागेको पनि उहाँले जानकारी दिनुभयो ।

आईफाका लागि नेपाल सरकारले लगानी गर्न लागेको कुरा झुटो भएको बताउँदै उहाँले बाहिर आएको दस्तावेज आईफाको एकतर्फी प्रस्ताव मात्रै भएको बताउनुभयो ।

बिहीबारदेखि सुरु भएको राष्ट्रिय चलचित्र कन्फ्रेन्समा नेपाली चलचित्र क्षेत्रको सुधार, नीतिगत व्यवस्थालगायत विषयमा व्यापक छलफल हुनेछ ।

अन्तिम अपडेट: माघ २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्