संघीय संसद्को चौथो अधिवेशन टुंगिँदै

असोज २, २०७६ बिहीबार ८:४०:५७ | उज्यालो सहकर्मी

काठमाण्डौ – संघीय संसद्को चालु चौथो अधिवेशन बिहीबार टुंगिँदै छ । बिहीबार बस्ने प्रतिनिधिसभा र राष्ट्रियसभाको बैठकमा राष्ट्रपति कार्यालयबाट आएको पत्र पढेर सुनाएपछि चौथो अधिवेशन टुंगिने संसद् सचिवालयले जनाएको छ ।

बिहीबार प्रधानमन्त्री केपी शर्मा ओलीले पनि दुवै सदनमा छुट्टाछुट्टै सम्बोधन गर्ने तय छ । सभामुख कृष्णबहादुर महरा शनिबार एक हप्ताको लागि काजकिस्तानको भ्रमणमा जाने भएकाले केही दिनअघि नै अधिवेशन टुंग्याउन लागिएको सचिवालयले जनाएको छ ।

यससँगै एक वर्षअघिदेखि संसदमा अड्किएको नागरिकतालगायतका विधेयक अघि बढ्न कम्तीमा अर्को तीन महिना कुर्नुपर्ने भएको छ । २०७५ साल साउन २२ गते प्रतिनिधिसभामा दर्ता भएको यो विधेयकमा विदेशी महिलाले नेपाली पुरुषसँग विवाह गरे तत्काल नागरिकता दिने कि सात वर्षपछि मात्रै दिने भन्नेमा राजनीतिक दलहरूबीच सहमति नजुट्दा पारित हुन नसकेको हो ।

अब यो विधेयकमाथि पुसको पहिलो हप्ता सुरु हुने हिउँदे संसद्मा छलफल हुने सम्भावना छ । बिहीबार प्रतिनिधिसभाको बैठक बिहान ११ बजे र राष्ट्रियसभाको बैठक दिउँसो ३ बजेका लागि बोलाइएको छ ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्