सीपीएलमा बार्बाडोस पराजित, सन्दीपले लिए एक विकेट

असोज ६, २०७६ सोमबार ८:२८:१ | उज्यालो सहकर्मी

क्यारेबियन प्रिमियर लिग (सीपीएल) क्रिकेटमा नेपाली राष्ट्रिय टोलीका लेग स्पिनर सन्दीप लामिछाने आवद्ध टिम बार्बाडोस ट्रिडेन्ट पराजित भएको छ ।

पानी परेपछि डीएल मेथड अनुसार गुयना बार्बाडोसविरुद्ध १२ रनले विजयी भएको हो ।

पहिला ब्याटिङ गरेको बार्बाडोसले सबै विकेट गुमाएर १ सय ३८ रन बनाएको थियो । बार्बाडोसका लागि जेपी डुमेनीले सर्वाधिक ३८ रन बनाए । क्रिस ग्रीनले सर्वाधिक ४ विकेट लए । १३९ रनको लक्ष्य पछ्याएर ब्याटिङ गरेको गुयनाले ९ ओभरमा २ विकेट गुमाएर ६८ रन बनाएका बेला पानी परेपछि खेल रोकिन पुग्यो ।

त्यसपछि १४ ओभरमा ९४ रनको नयाँ लक्ष्य लिएर मैदान उत्रिए पनि ११ ओभरमा फेरि पानी परेपछि गुयनाले ११ ओभरमा ७० रनको नयाँ लक्ष्य पायो । तर ११ ओभरमा गुयनाले ८१ रन बनाएकाले गुयना विजयी भयो । बेण्डन किंगले नट आउट ५१ रनको पारि खेलेपछि गुयनालाई जित निकाल्न सफल भयो ।

आजको खेलमा सन्दीप लामिछानले ३ ओभर बलिङ गर्दा २१ रन खर्चिँदै १ विकेट लिए ।

लगातार पाँचौ खेलमा टिममा परेका सन्दीपले पहिलो ओभरमा कसिलो बलिङ गर्न सफल भए ।

उनले यो ओभरमा एक छक्का खान पुगे । पहिलो बल डट फालेको सन्दीपले दोस्रो बलमा एक रन दिएका थिए । त्यसपछि तेस्रो बलमा हेमराजले छक्का प्रहार गर्दा त्यसपछिका लगातार २ बल डट फाले । अन्तिम बलमा उनले एक रन खर्चिए ।

ब्यक्तिगत दोस्रो तथा टिमका लागि आठौँ ओभरमा उनले मात्र ४ रन दिएर विकेट लिए । सन्दीपले पहिलो बलमा नै विकेट लिन सफल भए । उनले यो खेलमा पहिलो ओभरमा नै छक्का खाएका हेमराजलाई पेभेलियनको बाटो देखाए । उनले हेमराजलाई २० रनमा आउट गरे ।

त्यसपछि दोस्रो र तेस्रो बलमा एक एक रन दिएका सन्दीपले चौथो बल डट फाले । ओभरको पाँचौ बलमा उनले एक रन खर्चिन पुगे । त्यसपछि अन्तिम बलमा पनि एक रन दिएका उनले आफ्नो दोस्रो ओभरमा किफायती बलिङ गर्दे मात्र चार रन दिएर विकेट लिए ।

त्यसपछि ब्यक्तिगत तेस्रो तथा टिमको १० औं ओभरमा सन्दीप केही महंगो बने उनले यो ओभरमा २ चौका खान पुगे । यो ओभरमा सन्दीपले ९ रन दिए ।

ओभरको पहिलो बल डट फालेका सन्दीपले दोस्रो बलमा एक रन दिएका थिए । त्यसपछिका लगातार २ बल डट फालेका उनले अन्तिम २ बलमा चौका खान पुगे ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्