चाडपर्व नजिकिएसँगै पाँचथरमा रातोमाटोको बिक्री बढ्यो

असोज ८, २०७६ बुधबार १८:२५:४९ | उपेन्द्र येक्तेन

पाँचथर - दशैँ तिहार नजिकिएसँगै पाँचथरको फिदिममा रातो माटोको कारोबार बढेको छ ।

स्थानीय चारखम्बेको रातोमाटो दशैँ तिहारको समयमा बर्सेनि बिक्री हुने गर्दछ । घर पोत्न र सिंगार्न प्रयोग गरिने रातोमाटो प्रतिबोरा ६५ देखि ८० रुपैँयामा बिक्री भइरहेको छ । यहाँको रातोमाटो पाँचथर जिल्लासँगै तेह्रथुम, ताप्लेजुङ, इलाम र झापासम्म पनि बिक्री हुने गर्दछ ।

चारखम्बेकी मिरा गुरुङ रातोमाटो बेचेरै दशैँ, तिहार खर्च पुग्ने बताउनुहुन्छ । अघिल्लो वर्ष रातोमाटो बेचेर २ लाख रुपैँया आम्दानी गरेको गुरुङको भनाइ छ । उहाँले चारखम्बेमा रहेको आफ्नै जग्गाबाट रातोमाटो निकालेर बिक्री गरिरहनुभएको छ । यस क्षेत्रमा आफ्नै जग्गा नहुनेहरुले पनि जग्गाधनीलाई प्रतिबोरा १५ रुपैँया दिएर रातोमाटो निकालेर बिक्री गरिरहेका छन् ।

ताप्लेजुङ घर भएर फिदिममा डेरा गरेर बसेका सोमप्रकाश लिम्बूले जग्गाधनीलाई प्रतिबोरा १५ रुपैँया दिने शर्तमा रातोमाटो निकालेर बेचिरहनु भएको छ । प्रत्येक दिन एक सय बोरासम्म रातोमाटो बिक्री हुँदै आएको लिम्बूले बताउनुभयो । यहाँको माटो ट्रयाक्टरमा हालेर गाउँगाउँमा लगेर बिक्री गर्ने गरिन्छ ।

रातोमाटोको माग बर्सेनि बढ्दो

यस क्षेत्रमा पाइने रातोमाटोको माग बर्सेनि बढ्दै गएको स्थानीय बताउँछन् । अघिल्लो वर्षसम्म चाडपर्वका मुखमा आइपुग्दा मात्र बिक्री हुने रातोमाटो यस वर्ष भने एक महिना अघिदेखि बिक्री हुन थालेको छ ।

जिल्लाका विभिन्न ठाँउबाट एक महिनाअघि देखिनै माटो किन्नेहरु आउन थालेको चारखम्बेका स्थानीयले बताएका छन् । अरु ठाँउमा पाइने रातोमाटोभन्दा यहाँ पाइने माटो चम्किलो हुने भएकाले यहाँको रातोमाटोको धेरैको रोजाइमा पर्ने गरेकाे छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्