चीन : १७ वर्षदेखि फरार व्यक्ति ड्रोनको सहयोगमा गुफाभित्र भेटिए

असोज १३, २०७६ सोमबार १८:३९:२१ | एजेन्सी

चिनियाँ प्रहरीले १७ वर्षदेखि फरार रहेका एक जना व्यक्तिलाई ड्रोनको सहायताबाट एउटा गुफाबाट पक्राउ गरेका छन् ।

सोङ जियाङ नाम गरेका ती व्यक्ति महिला तथा बालबालिका बेचबिखनको अभियोगमा सजाय भोगिरहेका उनी सन् २००२ मा कैदी शिविरबाट फरार भएका थिए ।

६३ वर्षीय ती व्यक्तिले आफूलाई समाजबाट अलग राखेर आफ्नो गृह प्रान्त युन्नानको पहाडी इलाकामा आफू बस्ने घर बनाएर बसेको बताइएको थियो । राज्यका सञ्चारमाध्यमको अनुसार प्लास्टिकको बोत्तलमा नदीको पानी जम्मा गरेर, आगोको लागि रुखको हाँगा प्रयोग गरेर ती व्यक्तिले जीवनयापन गरिरहेका थिए ।

तस्बिरहरुमा गुफाको पछाडि चट्टानमा खाट बनाइएको छ । पुरानो धुवाँ रंगको कालो भाडोमा खान पकाउन प्रयोग गरिएको देखिन्थ्यो । भागेको यति लामो समय भैसकेपछि उनीसँग सम्पर्क गर्न प्रहरी अधिकारीहरुलाई निकै कठिन भएकाे थियाे ।

अभियुक्त जियाङ लुकिर बसिरहेको ठाउँको बारेमा योङशान प्रहरीले आफ्नो विच्याटबाट पत्ता लगाएको थियो । यो सूचनाको सहयोगबाट उनी बसिरहेको पहाडसम्म पुर्‍यायो ।

त्यसपछि नियमित खोजपछि ड्रोनको माध्यमबाट ती व्यक्ति भेटिन सफल भए । ड्रोनले एउटा पहाडको भिरमा नीलो रंगको छत भएको ठाउँ देखायो र त्यसपछि प्रहरीहरु गुफानजिक पुगे र उनलाई फेला पारे ।

अहिले उनलाई फेरि जेल पठाइएको अधिकारीहरुले जनाएका छन् ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्