कांग्रेसकाे प्रश्न: सभामुख महराले कस्ताे राजीनामा दिएकाे हाे?

असोज १४, २०७६ मंगलबार १६:४१:५१ | उज्यालो सहकर्मी

काठमाण्डौ - सभामुख पदबाट कृष्णबहादुर महराले दिएको राजीनामा पत्रलाई अझै प्रष्ट पार्न नेपाली कांग्रेसले नेपाल कम्युनिष्ट पार्टी (नेकपा)को नेतृत्व तहलाई आग्रह गरेको छ ।

संसद सचिवालयमा कार्यरत महिला कर्मचारीलाई यौन दुर्व्यवहारको आरोप लगेपछि महराले सभामुख पदबाट राजीनामा दिनुभएको छ ।
महराले दिएको राजीनामा पत्रमा समय छानबिन प्रकृया नसकिउन्जेलसम्मका लागि भनेर किटान गरे जसरी आएकाले त्यसलाई प्रष्ट पार्न कांग्रेसले आग्रह गरेको हो ।

नेपाली कांग्रेसका प्रवक्ता विश्वप्रकाश शर्माले महराले पदबाट राजीनामा दिएको कि कार्यवाहक सुम्पेको? भन्दै प्रश्न उठाउनुभएको छ । राजीनामा दिने व्यक्तिले नै यति समयका लागि राजीनामा दिन्छु भनेर आफैँले समयावधि किटान गर्नु उचित नभएको पनि उहाँले बताउनुभयो ।

राजीनामा पत्रमा छानबिन नसकिउन्जेल भनिएकाले अब छानबिन गर्न एक वर्ष लाग्यो भने पनि अहिलेको संसद सभामुखविहीन भएर कार्यवाहककै भरमा चल्ने हो भन्दै प्रश्न पनि गर्नुभयो ।

यस्तै छानबिनबाट कुनै प्रकारको रिपोर्ट आएर जोगिए फेरि फर्कन्छु भन्ने मानसिकता अनुसार राजीनामा आएको हो कि वा दण्डित हुने कुरा नेपालको कानुनले राख्नु पर्नेमा आफैँ समय तोकेर राजीनामा गर्नु उपयुक्त नभएको बताउनुभयो ।

सभामुखमाथि लागेको आरोप दुःखद भएको भन्दै कांग्रेसले यो भन्दा पनि नारीहरु प्रतिको यस्ता खालका व्यवहार यो तहबाटै हुनु झनै गम्भीर विषय भएको जनाएको छ ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कांग्रेसकाे प्रश्न: सभामुख महराले कस्ताे राजीनामा दिएकाे हाे?

फाइल तस्बिर

तपाईको प्रतिक्रिया