नेकपा र सरकारकाे अग्निपरीक्षा सुरू भएकाे छ, मूल्यांकन जनताले गरेका छन् : नेता नेपाल

असोज १८, २०७६ शनिबार १७:११:३५ | उज्यालो सहकर्मी

भक्तपुर – पूर्वप्रधानमन्त्री एवं नेपाल कम्युनिष्ट पार्टीका (नेकपा) का नेता माधवकुमार नेपालले दुई तिहाइ सरकारको कामको मूल्यांकन नेपाली जनताले गरिराखेको बताउनुभएको छ ।

शनिबार पुष्पलाल स्मृति प्रतिष्ठान जिल्ला समिति भक्तपुरले सूर्यविनायकमा आयोजना गरेको शुभकामना आदान–प्रदान कार्यक्रममा बोल्दै नेता नेपालले सबै नेपालीलाई सुखी बनाउने र सबैको अनुहारमा हाँसो ल्याउने योजनाका साथ काम गर्नुपर्ने चुनौती रहेको बताउनुभयो ।

नेकपा र सरकार यतिबेला अग्नि परीक्षामा रहेको चर्चा गर्दै उहाँले भन्नुभयो, ‘अहिले सरकार र नेकपाको अग्निपरीक्षा सुरु भएको छ । वडा, नगर, प्रदेशदेखि केन्द्रसम्ममा भएको कामको जनताले मूल्यांकन गरिरहेका छन् ।’

नेता नेपालले दुई तिहाइको सरकारले गरिरहेको कामको परिणाम आउँदो मंसिर १४ गते हुने उपचुनावले देखाउने बताउँदै उहाँले अधिकांश नेकपाका नेताहरुले जितेको स्थानमा उपचुनाव हुने भएकाले ती ठाउँहरुमा आफ्नो शान जोगाउनुपर्ने चुनौती रहेको बताउनुभयो ।

नेता नेपालले ‘हिजो के भएको थियो भन्नुभन्दा पनि अहिले के गर्ने हो’ त्यसको योजना बनाएर काम गर्नुपर्छ भन्दै काम गर्दा कमी-कमजोरी भए स्वीकार गर्ने र सुधार गर्ने बानीको विकास गर्नुपर्ने बताउनुभयो । उहाँले जनतालाई खुशी पार्ने ढंगबाट काम गर्नुपर्नेमा जोड दिनुभयो ।

सरकार र नेकपामाथि आलोचना गर्नेहरुप्रति लक्षित गर्दै उहाँले भन्नुभयो, ‘अरुलाई हिलो छ्याप्नु, अरुको घरमा ढुङ्गा हान्नुभन्दा पहिला आफूलाई हेर्नुस्, आफूले के गरे, भन्ने आफैँ समीक्षा गर्नुस् ।’

कार्यक्रममा नेकपा स्थायी कमिटी सदस्य लीलामणि पोखरेलले अहिलेकै पुँजीवादी कार्यशैलीबाट समाजवादतर्फ उन्मुख हुन नसकिने भएकाले पुँजीवादी चरित्र र सामन्तवादको अन्त्य अपरिहार्य भएको बताउनुभयो ।

प्रतिष्ठानका जिल्ला अध्यक्ष ध्रुवराज विष्टको सभापतित्वमा सम्पन्न कार्यक्रममा नेकपाका केन्द्रीय सदस्य एवं भक्तपुर इञ्चार्ज दिलिप प्रजापति, केन्द्रीय सदस्य तथा भक्तपुरका सह–इञ्चार्ज सोम मिश्र लगायतले दुई तिहाइ सरकारसँग जनताका अनेकौँ अपेक्षा भएकाले त्यसलाई सम्बोधन गर्ने गरी कार्य गर्नुपर्ने चुनौती रहेको धारणा राखेका थिए ।

अन्तिम अपडेट: पुस २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्