दशैँमा आवागमन ठप्प भएपछि तरकारीकाे मूल्य आकासियाे, उपभाेक्ता भन्छन्–अनुगमन नहुँदा भाउ बढाइयाे

असोज १९, २०७६ आइतबार १३:५१:५१ | उज्यालो सहकर्मी

काठमाण्डौ – दशैँमा तरकारीको मूल्यमा भारी वृद्धि भएको उपभोक्ताहरुले गुनासो गरेका छन् ।

अष्टमीको दिन काठमाण्डौको कालीमाटी फलफूल तथा तरकारी बजारमा पुगेका उपभोक्ताहरुले तरकारीको मूल्य आकासिएको प्रतिक्रिया दिएका हुन् । दशैँमा आवागमन ठप्प भएपछि व्यापारीहरुले काठमाण्डौमा तरकारीको मूल्य ह्वात्तै बढाएको पाइएको छ । दशैँमा आवागमनको काम ठप्प भएपछि तरकारीको मूल्यमा अचानक वृद्धि भएको हो ।

कालीमाटी तरकारी होलसेल बजारमा लसुनको प्रतिकेजी मूल्य एक सय २० रुपैयाँ रहेको छ । बाहिर अन्य पसलहरुमा लसुनको मूल्य व्यापारीहरुले प्रतिकेजी एक सय ६० सम्म पुर्याएका छन् ।

त्यसैगरी अदुवाको मूल्य पनि प्रतिकेजी दुई सय ४० रुपैयाँ पुर्याइएको छ । कालीमाटी होलसेल बजारमा खुर्सानी प्रतिकेजी तीन सय ८० रुपैयाँमा बिक्री गरिएको छ भने बजारमा चार सय रुपैयाँसम्ममा बिक्री गरिएको छ ।

विशेषगरी दशैँमा सवारी साधन नचलेपछि तरकारीको आपूर्तिमा कमी आउँदा तरकारीको मूल्य आकासिएको हो । यता, सरकारले बजार अनुगमनको काममा उपस्थिति देखाउन नसक्दा पनि तरकारी, फलफूलसहित दशैँका लागि उपभोक्तालाई अति आवश्यक पर्ने वस्तुहरुको मूल्य एकाएक बढाइएको हो ।

दैनिक उपभोग्य र आवश्यक वस्तुको मूल्य बढ्दा यस वर्षको दशैँमा मारमा परेको उपभोक्ताको गुनासो छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्