दशैँ बिदामा घर गएका कार्यालय प्रमुख सम्पर्कविहीन, सेवाग्राही मारमा

कात्तिक १६, २०७६ शनिबार १५:३१:१९ | दीपक भट्ट

रामेछाप – मालपोत कार्यालय रामेछापका कार्यालय प्रमुख दशैँपछि कार्यालयमा उपस्थित नहुँदा सेवाग्राहीले सास्ती खेप्नुपरेको छ ।

कार्यालयमा प्रमुख नहुँदा धेरै सेवाग्राहीको काम रोकिएको छ भने कार्यालयको अन्य दैनिक कामहरु समेत प्रभावित हुँदै आएको छ । दशैँ मनाउन दशैँअघि कार्यालय छाडेर हिँड्नुभएका मालपोत कार्यालयका प्रमुख रघुनाथ फुयाँल तिहार सकिँदासमेत कार्यालय फर्किनुभएको छैन ।

कार्यालयका कर्मचारीले पटक पटक प्रमुखसँग सम्र्पक गर्दासमेत उहाँको मोबाइल स्विच अफ् भएकाले प्रमुखसँग सपर्क हुन नसकेको मालपोत कार्यालय रामेछापका नायब सुब्बा दामोदर सुवेदीले जानकारी दिनुभयो ।

सुवेदीले भन्नुभयो, ‘दशैँ बिदामा जानुभएका प्रमुख तिहार सकिँदा पनि कार्यालयमा हाजिर हुन आउनुभएको छैन । प्रमुखले अहिलेसम्म कुनै पनि बिदा लिनुभएको छैन । दशैँ सकिएपछि एक पटक कार्यालयमा सम्पर्क गर्नुभएका प्रमुख फुयाँल त्यसपछि सम्पर्कमा आउनुभएको छैन ।’

कार्यालय प्रमुख नहुँदा कार्यालयले प्रदान गर्ने नामसारी, नाम संशोधन, दर्ता र संघ-संस्थाहरुको कामसमेत ठप्प भएको छ । कार्यालयमा काम लिएर आएका सेवाग्राहीहरु प्रमुख नहुँदा त्यत्तिकै फर्कनुपर्ने बाध्यता रहेको लेखापढी व्यवसायी बोधकुमार रोकाले जानकारी दिनुभयो ।

आफ्नो बावुको नामको जग्गा आमाको नाममा नामसारी गरी दुई छोराहरुको नाममा जग्गा नामसारी गर्न आमालाई लिएर मालपोत कार्यालय पुग्नुभएका रामेछाप नगरपालिका ५ का रामकुमार बस्नेत कार्यालय प्रमुख नभएकै कारण आफ्नो नाममा जग्गा नामसारी गर्न पाउनु भएन ।

उहाँले भन्नुभयो, ‘वृद्ध आमा लिएर ग्रामीण भेगबाट हजारौँ रुपैयाँ खर्चेर कार्यालय आइपुगियो । प्रमुख नभएकाले तपाईँको काम हुँदैन, प्रमुख आएपछि मात्रै हुन्छ भनेपछि अब के गर्ने ? कार्यालयमा प्रमुख नबस्ने यो कस्तो तरिका हो ?’

बस्नेत त एक पात्र मात्र हनुहुन्छ । उहाँजस्ता धेरै जना कार्यालय प्रमुखको अनुपस्थितिमा मारमा पर्नु भएको छ ।

मालपोत कार्यालयमा उपसचिवको दरबन्दी भएको लामो समय भैसक्दा पनि अहिलेसम्म पनि त्यो पदमा कोही प्रमुख आएका छैनन् । उपसचिवको दरबन्दी हुँदा पनि अहिलेसम्म शाखा अधिकृतले नै कार्यालय सञ्चालन गर्दै आएका छन् ।

त्यस्तै कार्यालयको सेवा अनलाइन प्रक्रियाबाट गरिने भनिएता पनि त्यो लागू हुन सकेको छैन । सेवाग्राहीले सेवा नपाएको विषयमा रामेछापका प्रमुख जिल्ला अधिकारी लिलाकुमार पाण्डेले तत्काल बुझेर आवश्यक कारबाही गर्ने जानकारी दिनुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्