बाग्लुङ उपचुनाव : नेकपाको समर्थनमा राजमोका शाही र कांग्रेसबाट शेरचनको उम्मेदवारी

कात्तिक २१, २०७६ बिहीबार १५:३:० | उज्यालो सहकर्मी

बाग्लुङ – प्रदेश सभा सदस्यको उपचुनावका लागि बाग्लुङमा राष्ट्रिय जनमोर्चाका खिमविक्रम शाहीले उम्मेदवारी मनोनयन दर्ता गराउनुभएको छ ।

आउँदो मंसिर १४ गते हुने चुनावमा बाग्लुङ क्षेत्र नम्बर २ को ‘ख’ का लागि वाम गठबन्धनबाट साझा उम्मेदवारको रुपमा शाहीले उम्मेदवारी दर्ता गराउनुभएको हो ।

नेपाल कम्युनिष्ट पार्टी (नेकपा) का नेता तथा कार्यकर्ताको उपस्थितिमा राष्ट्रिय जनमोर्चा (राजमो) जिल्ला सदस्य शाहीले मुख्य निर्वाचन अधिकृत कार्यालयमा उम्मेदवारी मनोनयन दर्ता गर्नुभएको हो ।

नेकपाको जिल्ला र तल्लो तहका नेता, कार्यकर्ता एकल चुनावी मैदानमा जाने तयारीमा भए पनि केन्द्रीय तहबाट गठबन्धन बनाएर बागलुङमा राजमोलाई सघाउने निर्णय गरिएको थियो ।

त्यस्तै नेपाली कांग्रेसका तर्फबाट जीतबहादुर शेरचनले उम्मेदवारी दर्ता गराउनुभएको छ । शेरचनको उम्मेदवारी मनोनयनमा सांसद ज्ञानकुमारी छन्त्याल प्रस्तावक र नरजंग घर्ती समर्थक रहनुभएको छ ।

अघिल्लो निर्वाचनमा पनि उम्मेदवार रहनुभएका शेरचन बाम गठबन्धनका तर्फबाट साझा उम्मेदवार राजमोका टेकबहादुर घर्तीसँग पराजित हुनुभएको थियो ।

सांसद टेकबहादुर घर्तीको निधनपछि हुन लागेको उपचुनावमा समाजवादीका तर्फबाट अशोक बिक, स्वतन्त्र लगायत गरी ११ जनाले उम्मेदवारी दिएका छन् । यस क्षेत्रमा ३६ हजार ९ सय जना मतदाता छन् ।

अन्तिम अपडेट: पुस २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्