मतदातालाई प्रभाव पार्न सरकार र नेकपा सांसदले कम्बल बाँडिरहेका छन् : कांग्रेस

मंसिर ५, २०७६ बिहीबार २०:६:४९ | उज्यालो सहकर्मी

काठमाण्डौ – प्रमुख प्रतिपक्ष दल नेपाली कांग्रेसले सरकारलाई निर्वाचन आचारसंहिता विपरीतका गतिविधि नगर्न सचेत गराएको छ ।

नेपाली कांग्रेस उपनिर्वाचन अनुगमन समितिले बिहीबार पार्टी केन्द्रीय कार्यालय सानेपामा पत्रकार सम्मेलन गरी निर्वाचन आचारसंहिता विपरीतका गतिविधि नगर्न सरकारलाई सचेत गराएको हो । उपचुनाव हुने जिल्लाहरुमा निर्वाचन आचारसंहिता विपरीतका गतिविधिलाई निरन्तरता दिएकाले त्यसो नगर्न सरकारलाई सचेत गराउनु परेको समितिका संयोजक एवं कांग्रेस नेता रमेश लेखकले जानकारी दिनुभयो ।

कांग्रेसले उपचुनावलाई प्रभावित पार्ने खालका गतिविधिमा रोक लगाउन निर्वाचन आयोगको पनि गम्भीर ध्यानाकर्षण पनि गराएको छ । मतदातालाई प्रभावित पार्नेगरी कम्बल बाँड्ने, डोजर चलाउने लगायतका काम सरकार र सत्तारुढ दल नेकपाका सांसदहरुले गरिरहेकाले त्यसमा रोक लगाउन निर्वाचन आयोगको पनि गम्भीर ध्यानाकर्षण गराउनु परेको संयोजक लेखकले बताउनु भयो ।

नेपाली कांग्रेसले संवैधानिक परिषद् ऐन अध्यादेशमार्फत् ल्याउने सरकारको तयारीप्रति पनि आपत्ति जनाएको छ । कांग्रेस नेता लेखकले सामान्य बहुमतको आधारमा पनि संवैधानिक परिषद्ले निर्णय गर्नेगरी ऐन अध्यादेशमार्फत ल्याउने तयारी सरकारले गरिरहेको उल्लेख गर्दै त्यसप्रति आपत्ति जनाउनु भयो ।

नेता लेखकले संविधान विपरीत संवैधानिक परिषद्को ऐन अध्यादेशमार्फत ल्याउने काम नगर्न पनि सरकारको गम्भीर ध्यानाकर्षण गराउनु भयो ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्