शक्तिशाली इन्जिन र धेरै ‘लाेड स्पेश’ भएकाे टाटा याेद्धा

मंसिर ६, २०७६ शुक्रबार १५:४:४ | उज्यालो सहकर्मी

व्यापारिक र व्यक्तिगत प्रयोजनका लागि बिक्री गरिने गाडी कम्पनीको सूचीमा सिप्रदी ट्रेडिङ प्रालि अग्रणी स्थानमा पर्छ । टाटा मोटर्सले ल्याएको कर्मसियल गाडीहरुमा पछिल्लो समय सर्वाधिक रुचाइएको गाडी हो, टाटा योद्धा ।

विभिन्न व्यापारिक प्रयोजनका लागि उपयुक्त रहेको र नेपालको भौगोलिक धरातलमा बनेको कुनै पनि सडकमा सहज रुपमा चल्न सक्ने भएकोले टाटा योद्धाप्रति ग्राहकको चासो बढेको सिप्रदी ट्रेडिङ प्रालिले जनाएको छ ।

नेपाली सडक र नेपाली ग्राहकको चाहनाको विषयमा विभिन्न खोज र अनुसन्धान गरेर टाटा योद्धाको डिजाइन गरिएको टाटाका पिकअप सेग्मेन्ट म्यानेजर रामेश्वर घिमिरेले बताउनुभयो ।

भारी बोक्नका लागि पर्याप्त मात्रामा लोड स्पेस (ठाउँ) हुनु तथा ८६ हर्स पावरको इन्जिन भएका कारणले भारी बोक्ने क्षमता धेरै हुनु टाटा योद्धा ग्राहकको छनोटमा परेको घिमिरेले बताउनु भयो ।

व्यापारिक प्रयोजनका लागि उपयुक्त मानिएको योद्धा याे सेग्मेन्टमा आएको सबैभन्दा बलियो र शक्तिशाली पिकअप रहेको कम्पनीले दावी गरेको छ ।

फलफूल, ग्याँस, पानी, पोल्ट्री फर्मका सामान र निर्माण सामग्री बोकेर तराई पहाडका उकालो, ओरालो कच्ची सबै बाटोमा सहज रुपमा लामो दूरीमा पनि गुडाउन टाटा योद्धा उपयुक्त हुने व्यवस्थापक रामेश्वर घिमिरेको भनाइ छ ।

टाटा योद्धाका विशेषताहरु

टाटा योद्धामा ८६ हर्स पावरको ३ लिटर क्षमताको इन्जिन राखिएको छ , जुन पिक अप सेग्मेन्टमा आएको अरु गाडीमा भन्दा धेरै क्षमता हाे । योद्धामा कच्ची, अप्ठेराे, उकालो ओरालो सडकमा सजिलै गुड्नका लागि २५० न्यूटन पावरको टर्क रहेको छ । २१० एमएम ग्राउन्ड क्लियरेन्स भएको योद्धामा सुरक्षाका हिसाब मल्टिपल क्रम्पल जोन रहेको छ ।

जसले गाडीमा ठक्कर लाग्दा चालकलाई कमै मात्र असर पर्न सक्छ । चालकको सुरक्षाका लागि योद्धामा चालकलाई प्रत्यक्ष असर नहोस् भन्नका लागि दुर्घटना हुँदा स्वतः नष्ट हुने हाइड्रोलिक स्टिरिङ ह्वीलको प्रयोग गरिएको छ । साथै चालकले आफ्नो सुविधा अनुसार स्टिरिङ ह्वीललाई मिलाउन पनि सक्नेछन् ।

चालकको सुविधाका लागि सीटमा हेड रेस्ट र आफ्नो सुविधाअनुसार चालकले सीटमा ढाड राख्ने ठाँउ मिलाउन सक्छन् । चालकसहित योद्धामा १ जना सहचालक वा हेल्पर बस्नको लागि ले फ्ल्याट सीटको व्यवस्था गरिएको छ , जसमा चालक थकाइ लागेको बेला ढल्कन पनि सक्नेछन् ।

टाटा योद्धाको मूल्य र छुट

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्