अनाथ बालबालिकाकाे जिम्मा सरकारले लिन्छ, बाल गृहकाे नाममा ठगेर खानेलाई कारबाही गरिन्छ : मन्त्री गुरुङ

मंसिर ६, २०७६ शुक्रबार २०:५९:१२ | उज्यालो सहकर्मी

काठमाण्डौै – नवनियुक्त महिला, बालबालिका तथा ज्येष्ठ नागरिक मन्त्री पार्वत गुरुङले अनाथ बालबालिकासँग भेट गर्नुभएको छ ।

मन्त्री गुरुङले पदभार ग्रहण गरेको भोलिपल्ट शुक्रबार दिउँसो आफूलाई बधाइ दिन आएका झण्डै ५० जना अनाथ बालबालिकासँग सिंहदरबारमा रहेको आफ्नै कार्यकक्षमा भेट गर्नुभएको हो ।

भेटका अवसरमा मन्त्री गुरुङले अनाथ बालबालिकाहरुको संरक्षणको जिम्मेवारी राज्यले लिने बताउनु भयो । त्यसका लागि उहाँले बालबालिकासम्बन्धी ऐन, नियमको आवश्यक संशोधन तत्काल गर्ने प्रतिबद्धता पनि व्यक्त गर्नुभयो । मन्त्री गुरुङले बाल गृहको नाममा ठगी खानेहरुलाई भने सरकारले कारबाही गर्ने पनि बताउनुभयो ।

मन्त्री गुरुङले काठमाण्डौको गोकर्णमा रहेको संयुक्त अपांग एकता आवाज केन्द्रको संरक्षणमा रहेका ती अनाथ बालबालिकाहरुलाई यसअघि पनि खाद्यान्न तथा लत्ताकपडालगायतका वस्तुहरुको सहयोग गर्दै आउनुभएको थियो । उहाँले अनाथ टुहुरा बालबालिकाहरुको हितमा आफू केन्द्रित हुने पनि बताउनु भयो ।

संस्थाका अध्यक्ष तीलबहादुर कार्कीले मन्त्री गुरुङले सांसदको रुपमा आफ्नो संरक्षणमा रहेका अनाथ बालबालिकाहरुप्रति विगतमा गर्दै आउनु भएको सहयोगप्रति आभार व्यक्त गर्दै आगामी दिन पनि थप सहयोगको अपेक्षा गरिएको बताउनु भयो ।

त्यसअवसरमा मन्त्री गुरुङले अनाथ बालबालिकाहरुले आफूलाई बधाइ दिएर बालबालिकाको हितमा काम गर्न झनै प्रोत्साहित गरेको भन्दै खुसी व्यक्त गर्नुभएको थियो । उहाँले बिहीबार पदभार ग्रहण गर्दै बाल विवाह अन्त्यका लागि दुई महिनाभित्र राष्ट्रिय कार्य योजना तय गरिसक्ने प्रस्ताव स्वीकृत गर्नुभएको थियो ।

अन्तिम अपडेट: पुस २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्