उपचुनाव : साढे २ बजेसम्म ५५ प्रतिशत मतदान सम्पन्न

मंसिर १४, २०७६ शनिबार १४:५३:३२ | उज्यालो सहकर्मी

काठमाण्डौ – प्रतिनिधि सभा सदस्य, प्रदेश सभा सदस्य र पालिकाका रिक्त ५२ पदका लागि चलिरहेको मतदानअन्तर्गत दिउँसो साढे २ बजेसम्म ५५ प्रतिशत मतदान भएको छ ।

अहिलेसम्म ५५ प्रतिशत मत खसेको निर्वाचन आयोगले जनाएको छ । आयोगका प्रवक्ता राजकुमार श्रेष्ठका अनुसार मतदान भैरहेका क्षेत्रबाट निरन्तर तथ्याङ्क आइरहेको छ ।

३७ जिल्लाका २४७ मतदान स्थल र ५३७ मतदान केन्द्रमा बिहान ७ बजेदेखि सुरु भएको मतदान बेलुकी ५ बजेसम्म चल्नेछ ।

उपचुनाव अन्तर्गत कास्की २ मा प्रतिनिधि सभाका लागि मतदान भैरहेको छ । त्यस्तै प्रदेश सभातर्फ भक्तपुर १(क), बागलुङ २(ख) र दाङ ३(ख) मा पनि मतदान भैरहेको छ ।

धरान उपमहानगरपालिकाको मेयर, पाँचथरको फाल्गुनन्द गाउँपालिका, संखुवासभाको मकालु गाउँपालिका र महोत्तरीको पिपरा गाउँपालिका अध्यक्षका तथा हुम्लाको खार्पुनाथ गाउँपालिकाको उपाध्यक्षका लागि मतदान भैरहेको छ ।

अरु विभिन्न पालिकामा गरी ४३ वडाअध्यक्ष पदमा पनि उपचुनाव भैरहेको छ । छिटफूट घटना बाहेक अहिलेसम्म शान्तिपूर्ण रुपमा मतदान भइरहेको निर्वाचन आयोगका प्रवक्ता श्रेष्ठले जानकारी दिनुभयो ।

सम्बन्धित समाचार

अन्तिम अपडेट: माघ ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्