जनयुद्धमा भएका राम्रा र नराम्रा घटनाको जिम्मा म लिन्छु : प्रचण्ड

मंसिर १५, २०७६ आइतबार १४:१२:११ | उज्यालो सहकर्मी

काठमाण्डौ – नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ माओवादी जनयुद्धका क्रममा भएका सबै राम्रा र नराम्रा घटनाको जिम्मेवारी आफूले लिने बताउनु भएको छ ।

आइतबार पार्टी मुख्यालय धुम्बाराहीमा द्वन्द्वकालमा मारिएका तत्कालीन नेकपा एमालेका नेता बुद्धिमान पाख्रिनको १७ औँ स्मृति सभालाई सम्बोधन गर्दै प्रचण्डले जनयुद्धका क्रममा भएका सबै घटनाको जिम्मेवारी आफूले लिने बताउनु भएको हो ।

संक्रमणकालीन न्याय सम्पादन गर्न सत्य निरुपण तथा मेलमिलाप र बेपत्ता छानबिन आयोग बनाएर तथा द्वन्द्वकालीन मुद्दा टुङ्गो लगाउन आफू प्रयासरत रहेको पनि उहाँले बताउनु भयो । माओवादी जनयुद्धको नेतृत्व गर्ने पार्टी र त्यसको अध्यक्ष भएको कारणले घटनाको जिम्मेवारी आफूले लिने बताउनु भयो ।

जनयुद्धमा मारिएका भए पनि सबैलाई सम्बोधन हुनेगरी सत्य निरुपण होस् भन्ने पक्षमा आफू रहेको उहाँले प्रस्ट पार्नुभयो । अध्यक्ष दाहालले आफूहरु ब्ल्यांकेट एम्नेस्टिको पक्षमा नरहेको पनि दाबी गर्नुभयो ।

द्वन्द्व पीडितहरुको माग बमोजिम सत्य निरुपण मेलमिलाप आयोग र बेपत्ता छानबिन आयोगको अहिलेको कानुन संसोधनको तयारीमा रहेको र छिट्टै पदाधिकारीहरु नियुक्त हुने पनि अध्यक्ष प्रचण्डले बताउनु भयो ।

तात्कालीन समयमा राज्य पक्ष वा विद्रोही पक्षबाट भएका जघन्य प्रकृतिका घटनामा दोषी ठहरिनेले कारबाही भोगे मात्रै भविष्यमा यस्ता घटना दोहोरिन नदिने वातावरण बनाउन सकिन्छ भन्ने पक्षमा आफू रहेको उहाँले बताउनु भयो ।

अन्तिम अपडेट: माघ १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्