बागलुङ-२ को प्रारम्भिक मत परिणाम : कांग्रेसको अग्रता, रातिसम्ममा अन्तिम परिणाम आउने अपेक्षा

मंसिर १५, २०७६ आइतबार १४:४६:५४ | उज्यालो सहकर्मी

बागलुङ - बागलुङ क्षेत्र नम्बर-२ को प्रदेश ख मा भएको उपनिर्वाचनको प्रारम्भिक मतगणनामा नेपाली कांग्रेसले अग्रता लिएको छ ।

आइतबार मध्यान्हदेखि सुरु भएको मतगणनाको प्रारम्भिक नतिजा अनुसा ढोरपाटन नगरपालिका-१, बुर्तिबाङको मतगणनामा नेपाली कांग्रेसका उम्मेदवार जित शेरचनले ५ सय २५ मत प्राप्त गर्नुभएकाे छ। यस्तै, बाम गठबन्धनका तर्फबाट उम्मेदवार बनेका राष्ट्रिय जनमोर्चाका खिमबिक्रम शाहीले ३ सय ८६ मत प्राप्त गर्नुभएकाे छ।

समाजवादी पार्टीका अशोक विकले ७०, बागी उम्मेदवार शेरमान घर्तीको क्लिप चिन्हमा ९, स्वतन्त्र उम्मेदवार सन्तोष भण्डारीले ६ तथा राप्रपा संयुक्तका निमबहादुर भण्डारीले २ मत प्राप्त गरेका छन् ।अहिलेसम्म १० मत बदर भएको भेटिएकाे छ ।

वडागत रुपमा गणना सुरु गरिएकोमा ढोरपाटन नगरपालिका-१ पछि तमानखोला गाउँपालिकाको वडा नम्बर १ को मतगणना सुरु भएको छ ।

कुल ३५ हजार १ सय ८४ मतदाता रहेको बागलुङमा यस पटक २१ हजार ४ सय मत खसेको छ । अघिल्लो निर्वाचनमा ६५ प्रतिशत मत खसेको थियो । आइतबार राति अबेरसम्ममा अन्तिम मत परिणाम आउने जिल्ला निर्वाचन अधिकारी विकासचन्द्र शर्माले जानकारी दिनुभयो ।

अन्तिम अपडेट: पुस २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्