उपचुनावको समीक्षा केन्द्रीय कमिटीमा पेश गर्न नेकपा सचिवालय बैठककाे निर्देशन

मंसिर १८, २०७६ बुधबार १३:२९:६ | उज्यालो सहकर्मी

काठमाण्डाै - नेपाल कम्युनिष्ट पार्टी (नेकपा)ले उपचुनावको समीक्षा रिपोर्ट केन्द्रीय कमिटीमा पेश गर्न सम्बन्धित कमिटीहरुलाई निर्देशन दिएको छ ।

बुधबार पार्टीकाे केन्द्रीय कार्यालय धुम्बाराहीमा बसेको नेकपा सचिवालय बैठकले उपचुनाव भएका सम्बन्धित क्षेत्रका कमिटीहरुलाई चुनावको समीक्षा गरेर पार्टी केन्द्रीय कार्यालयमा रिपोर्ट पठाउन निर्देशन दिएको हो ।

कमिटीहरुबाट प्राप्त रिपोर्टका आधारमा मंसिर २३ गते बस्ने बैठकमा औपचारिक छलफल गर्ने निर्णय बैठकले गरेको प्रवक्ता नारायणकाजी श्रेष्ठले बताउनुभयो । बैठकमा पार्टीको संगठनात्मक एकताका विषयमा पनि छलफल हुने उहाँले बताउनुभयो ।

अब बस्ने सचिवालय बैठकले स्थायी कमिटी र केन्द्रीय कमिटी बैठक बोलाउने विषयमा पनि छलफल गर्ने उहाँले बताउनुभयो । नेकपाको स्थायी कमिटी र सचिवालय बैठक पार्टी एकतापछि एक पटक मात्रै बसेको छ ।

बैठकमा अध्यक्ष पुष्पकमल दाहाल 'प्रचण्ड' ले प्रधानमन्त्रीको स्वास्थ्यका विषयमा पनि जानकारी गराउनु भएको थियो । गएकाे मंसिर ४ गते कार्यकारी अध्यक्षको जिम्मेवारी पाएपछि प्रचण्डले पहिलो पटक सचिवालय बैठक बोलाउनुभएको हो ।

प्रधानमन्त्री ओलीसँग छलफल गरेर डाकिएको बैठकमा पार्टीका वरिष्ठ नेता झलनाथ खनाल र उपप्रधानमन्त्रीसमेत रहनुभएका ईश्वर पोखरेल अनुपस्थित हुनुहुन्थ्यो ।

अन्तिम अपडेट: पुस २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्