अभिनेत्री सोनाली बेन्द्रेले क्यान्सर लागेको खबर सुनाउँदा १२ वर्षीय छोराले दिए यस्तो प्रतिक्रिया

 साउन ३, २०७५ बिहीबार १७:१८:२५ | एजेन्सी

बलिउड अभिनेत्री सोनाली बेन्द्रे यतिबेला क्यान्सर जस्तो रोगको सामना गरिरहेकी छिन । उनी हाल अमेरिकाको न्यूयोर्कस्थित अस्पतालमा उपचार गरिरहेकी छिन् ।

सोनालीले आफूलाई क्यान्सर भएको खबर स्वयमले सामाजिक सञ्जालका माध्यमबाट सार्वजनिक गरेकी थिइन । साथमा उनको परिवार, श्रीमान तथा साथीभाइले आफ्नो हेरचाह गरेको खबर पनि उनैले भनेकी थिइन् । 

सोनाली तथा उनका श्रीमान गोल्डी बेहलका १२ वर्षीय छोरा छन् । उनले संसारसामु यस कुरालाई सार्वजनिक त गरिन् तर यही कुरा उनका १२ वर्षीय बालक छोरालाई भन्न सजिलो थिएन । 

सोनालीले आज उनको ट्वीटरमार्फत आफुलाई क्यान्सर रोग लागेको खबर छोरालाई भनेको र उनका छोराले कस्तो प्रतिक्रिया जनाए भन्ने बारेमा ट्वीट गरेकी छिन् ।   
 
सोनालीले लेखेकी छिन्, ‘१२ वर्ष ११ महिना ८ दिन अघि जब रणवीर जन्मियो । त्यही बेलादेखि उसले मेरो मुटुमा राज गरिरहेको छ । त्यहीबेलादेखि उसको खुशी र हेरचाह नै मेरो श्रीमान र मेरो लागि महत्वको विषय बन्दै आएको छ । तर जव क्यान्सर जस्तो भयानक रोगबाट ग्रस्त भएको थाहा पाएँ । त्यस पछि हामीलाई सबैभन्दा अप्ठ्यारो यो भयो की अब उसलाई यो कुरा कसरी भन्ने ?’ 

सोनाली भन्छिन्, ‘उसलाई लिएर हामी जति चिन्तित थियौँ , उसलाई यो सबै सत्य बताउनु पनि त्यतिकै आवश्यक पनि थियो । हामी सदैव उसप्रति इमान्दार रहदै आएका छौँ र सधैँ उसँग साँचो बोल्थ्यौँ । तसर्थ यस पटक पनि सत्य कुरा बताउनु नै थियो । उसले निकै परिपक्वताका साथ यस खबरको सामना गर्‍यो । त्यही कुरा मेरा लागि तागत अनि सकारात्मकताको स्रोत बन्यो । कयौं पल्ट उसको भूमिका बद्लिएको महसुस गर्छु । उसले मलाई के गर्नुपर्छ भनेर सम्झाइरहेको हुन्छ । 

 

मलाई लाग्छ यस किसिमको हालतमा बालबालिकालाई सत्यबाट टाढा राख्नु र कुरा लुकाउनु गलत हो । उनीहरुलाई साँचो कुरा बताउनु आवश्यक हुन्छ । उनीहरुसँग समय बिताउनु र यस अवस्थामा उनीहरुलाई साथमा राख्नु जरुरी हुन्छ । हामी आफ्नो सन्तालाई दुःख र जिन्दगीको सत्यताबाट बचाएर राख्ने प्रयासमा केही उल्टो काम गरिरहेका हुन्छौं । 

 

म यतिबेला रणवीरका साथमा समय बिताइरहेकी छु । उ अहिले गर्मी बिदामा छ । म उसको नटखटे व्यवहारमा आफ्नो पीडा भुलाउने कोशिषमा छु । हामी दुवै एकअर्काको तागत बनिरहेका छौँ ।’  

अन्तिम अपडेट: मंसिर ११, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • Niranjan Pradhan

    July 19, 2018, 6:30 p.m.

    Wish you a speedy recovery 🙏🙏🙏

  •  0 Reply

तपाईको प्रतिक्रिया

समाचार

लोकप्रिय

१

भन्सार महसुल घटेसँगै सुनकाे भाउ एकैदिन तोलामा १५ हजार नौ सय रुपैयाँले घट्यो

२

चितवन दुर्घटना अपडेट : ज्यान गुमाएका दुवै जनाको पहिचान खुल्यो

३

मानव तस्करीको अभियोगमा पक्राउ परेका कोशी प्रदेशका पूर्वमन्त्री अधिकारीविरुद्ध मुद्दा नचल्ने

४

सभामुख घिमिरे र कम्बोडियाका प्रधानमन्त्रीबीच भेट, लुम्बिनी–अङ्गकोर सीधा हवाई उडान शुरू गर्न पहल

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई