चैनपुर नगरपालिकाकाे १० नम्बर वडामा खरको छानो हटाउने अभियान

पुष १८, २०७६ शुक्रबार ११:३:१४ | नवीन गुरुङ

संखुवासभा – सङ्खुवासभाको चैनपुर नगरपालिका १० ले परम्परागत खरको छानो हटाउने अभियान सुरु गरेको छ ।

पालिकाले नागरिकहरुको सुरक्षालाई मध्यनजर गर्दै सुरक्षित आवासका लागि परम्परागत खरको छानो हटाउने अभियान सुरु गरिएकाे हो । वडा नम्बर १० का वडाध्यक्ष तेजबहादुर कटुवालले आफ्नो वडाभित्रका विपन्न ३३ घरपरिवारलाई रङ्गीन जस्तापाता वितरण गरिएको जानकारी दिनुभयो ।

‘परम्परागत खरको छानोले हावाहुरी चल्दा जोखिम निम्त्याउने गर्छ । वडाले अभियान नै चलाए पनि सबै नागरिकले जस्तापाता खरिद गर्न सक्दैनन् । बिस्तारै वडाभित्रका सबै नागरिकहरुलाई जस्तापाता वितरण गर्छौँ ’, वडाध्यक्ष कटवालले भन्नुभयो ।

वडा कार्यालय र 'समाज स्पर्श समिति' नामक संस्थाको सहयोगमा जस्तापाता वितरण गरिएको हो । स्थानीय निर्वाचनको समयमा गरिएको प्रतिबद्धताअनुसार आफ्नो कार्यकालभित्र वडावासी सबैलाई खरको छानो मुक्त बनाउने वडाध्यक्ष कटुवालले बताउनु भयो ।

पहिलो चरणमा गरिब तथा विपन्न वर्गको घरमा खरको छानो फेर्ने योजना रहेको र त्यसपछि सुरक्षित आवासका लागि यो कार्यक्रमलाई निरन्तरता दिइने उहाँले बताउनु भयाे ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्