कार्यान्वयनमा आएन सिञ्जाको १० वर्षे पर्यटकीय गुरुयोजना

पुष १९, २०७६ शनिबार ८:२२:२५ | नेत्र शाही

जुम्ला - जुम्लाको सदरमुकाम सिञ्जामा पर्यटकीय पूर्वाधार निर्माण गर्ने उदेश्यसहित तयार पारिएको १० वर्षीय गुरुयोजना कार्यान्वयनमा आउन सकेको छैन ।

पर्यटन प्रवर्द्धन र आधुनिक विकास लागि तत्कालीन जिल्ला विकास समितिले तयार पारेको गुरुयोजना कार्यान्वयनमा आउन नसकेको हो । सिञ्जा क्षेत्रको विकासको लागि जुम्ला सामाजिक विकास केन्द्रले २०६५ सालमा गुरुयोजना निर्माण गरेर समितिलाई हस्तान्तरण गरेको थियो । केन्द्रका अध्यक्ष भक्तबहादुर बोगटीले गुरुयोजना कार्यन्वयनमा नआउनु विडम्बनाको कुरा भएको बताउनुभयाे

गुरुयोजनामा तीन सय चार ओटा पर्यटकीय क्षेत्रको पूर्वाधार निर्माण गरिने उल्लेख गरिएको छ । तर सन् २०१२ देखि २०२२ सम्म कार्यान्वयन हुनुपर्ने भए पनि सरकारी निकायले भने कुनै चासो देखाएको छैन ।

गुरुयोजनामा सिञ्जा क्षेत्रमा चारलेन सडक निर्माण गर्नुका साथै तटबन्ध, संग्रहालय निर्माण गर्ने, ओझेलमा परेका मठमन्दिर व्यवस्थित गर्ने, स्नातकोत्तर तहको कलेज स्थापना गर्ने लगायतका विषयहरु उल्लेख गरिएको छ ।

यहाँका कनकासुन्दरी मन्दिर, विराट दरबार, पाण्डव गुफाको गरुड नुहाउने मन्दिर, वाणगंगा मन्दिर आदि पवित्र तीर्थस्थलकाे रुपमा चिनिन्छन् । अंग्रेजीमा तयार भएको गुरुयोजनालाई नेपालीकरण गर्नुपर्ने स्थानीयको माग छ ।

स्पष्ट गुरुयोजनाको काम अगाडि नबढेपछि सिंञ्जामा बोलिने भाषा, सभ्यता तथा पर्यटकीय स्थलहरु संकटमा पर्दै गएकाे भन्दै स्थानीय आक्रोसित बनेका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्