इरानलाई हराउँदै नेपालको पुरुष टोली पनि खो–खो विश्वकपको फाइ...
माघ ५, २०८१ शनिबार
आन्तरिक विवादका कारण कांग्रेसले छान्न सकेन राष्ट्रिय सभाको उम्मेदवार
काठमाण्डौ - आन्तरिक विवादका कारण नेपाली कांग्रेसले राष्ट्रिय सभा सदस्यका लागि उम्मेद्वार चयन गर्न सकेको छैन ।
सभापति शेरबहादुर देउवाले बोलाएको केन्द्रीय समिति बैठक वरिष्ठ नेता रामचन्द्र पौडेल, प्रकाशमान सिंह, महामन्त्री शशांक कोइराला लगायतका नेताहरुले लगातार बहिष्कार गर्दै आएपछि कांग्रेसले उम्मेद्वार चयन गर्न नसकेको हो ।
आउँदो माघ ९ गते हुने राष्ट्रियसभा चुनावको उम्मेदवारी मनोनयन आइतबारका लागि तोकिएको छ । अबको २ दिनभित्रमा उम्मेदवार चयन गरेर मनोनयन गर्नुपर्ने बेलामा आन्तरिक किचलोमा जेलिएको कांग्रेसले कसरी उम्मेदवार चयन गर्ला? भन्ने प्रश्नमा पार्टीका प्रवक्ता विश्वप्रकाश शर्माले अब पदाधिकारीले नै उम्मेद्वार चयन गर्ने बताउनुभयो ।
उम्मेदवार चयनकै बारेमा छलफल गर्न बिहीबार केन्द्रीय समिति बैठक बोलाइएको थियो । बिहीबारको बैठक पनि वरिष्ठ नेता पौडेल, प्रकाशमान सिंह लगायतका नेताहरुले बहिष्कार गरेपछि उम्मेदवार चयनको जिम्मा पदाधिकारीलाई दिने निर्णय गरेको हो ।
पौडेल पक्षले मंसिर २६ गतेपछि निरन्तर केन्द्रीय समिति बैठक बहिष्कार गर्दै आएको छ । सभापति देउवाले पार्टीको महाधिवेशन सार्ने निर्णय गरेदेखि नै पौडल पक्षले बैठक बहिष्कार गर्दै आएको हो ।
पौडेल पक्षको बहिष्कारका बाबजुद पनि अब राष्ट्रिय सभा सदस्यको उम्मेदवारको चयन पदाधिकारी बैठकले गर्ने छ । सकेसम्म शुक्रबार नै उम्मेदवार चयन गरिसक्ने गरी पदाधिकारी बैठक बस्ने प्रवक्ता शर्माले बताउनुभयो ।
अहिले रहेका १८ जना राष्ट्रियसभा सदस्यको कार्यकाल सकिँदैछ । जसमध्ये सत्तारुढ नेकपाका ८, कांग्रेसका ७, राजपाका २, समाजवादीका १ र एक जना राष्ट्रपतिबाट मनोनित (अर्थमन्त्री युवराज खतिवडा) को कार्यकाल आगामी फागुनमा समाप्त हुन लागेको हो । उनीहरुको कार्यकाल सकिनुअघि नै चुनाव मार्फत नयाँ सदस्य निर्वाचित गराइसक्नु पर्ने व्यवस्था बमोजिम माघ ९ गतेका लागि चुनाव गर्न लागिएको हो ।
१८ जनाका लागि हुन लागेको चुनावमा नेपाली कांग्रेसले आफ्नो राजनीतिक हैसियत र उपस्थितिका लागि मात्रै चुनावमा उम्मेदवारी दिने तयारी गरेको हो । सत्तारुढ दल नेकपासँग स्पष्ट बहुमत रहेकाले कांग्रेसको तर्फबाट एक जना पनि निर्वाचित हुने सम्भावना छैन । योसँगै राष्ट्रिय सभामा कांग्रेसले ७ वटा सिट गुमाउने छ ।
राष्ट्रिय सभा चुनावमा सत्तारुढ नेकपाले राजपासँग तालमेल गरेपछि समाजवादी पार्टीको पनि राष्ट्रियसभामा सहभागिता नहुने निश्चित छ । चुनावमा पराजित हुने निश्चित भए पनि कांग्रेस र समाजवादीबीच चुनावका लागि तालमेल गर्ने सहमति भने भएको छ ।
केन्द्रीय समिति बैठक बहिष्कार गर्दै आएको पौडेल पक्षले केन्द्रीय समितिले लिएको निर्णयमा भने आफूहरुको सहयोग रहने जनाएको छ । पौडेल पक्षका नेता डा.मिनेन्द्र रिजालले बैठकमा सहभागी नहुने तर निर्णयमा सहयोग रहने बताउनुभयाे ।
नेता प्रकाशमान सिंंहले पार्टीको महाधिवेशन सार्ने निर्णय गलत रहेको र नेतृत्व त्यो निर्णय सच्चाउन सकारात्मक भए मात्रै बैठकमा सहभागिता जनाउन सकिने बताउनुभयाे ।
सभापति देउवाले पुस ११ गतेको बैठकमार्फत बहुमतका आधारमा महाधिवेशनको कार्यतालिका तोक्ने, केन्द्रीय कार्यसमितिको कार्यकाल थप्ने, पार्टी विधानका दफा निलम्बन गर्ने, पार्टीमाा विभागको संख्या बढाउने र कार्यकाल सकिएको तरुण दलको म्याद थप्ने निर्णय गर्नुभएको थियो ।
उहाँले यसअघिका सबै महाधिवेशन सहमतिमा नै तय हुने गरेको दृष्टान्त सुनाउँदै अहिले सभापतिले पेलेर जान खोज्दा आफूहरु बहिष्कार गर्न बाध्य भएको बताउनुभयो ।
पार्टी सभापति देउवा पार्टीको नभइ कुनै एउटा गुटको सभापति जस्तो बनेको उहाँको आरोप छ । नेतृत्वले सबैलाई मिलाएर लैजानु पर्नेमा एकलौटी गर्दै हिँड्दा पार्टीभित्र समस्या बढेको सिंंहको ठम्याइ छ ।
एकलौटी ढंगले पार्टीको परम्परालाई नै भत्काउने नेतृत्वलाई आउँदो १४ औँ महाधिवेशनले पाखा लगाएरै छाड्ने उहाँले बताउनुभयो । देउवा पक्षका नेता मीन विश्वकर्मा भने पौडेल पक्षले राखेका ९ वटै बुँदा सम्बोधन गर्दा पनि बैठक बहिष्कार गर्नु अनौठो भएको बताउनुभयो ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
1 Comments
समाचार
-
-
पालिकामा जनप्रतिनिधि छान्न छुट्टाछुट्टै मतपत्रको प्रयोग गर्न निर्...
माघ ५, २०८१ शनिबार
-
भारतको कोलकातामा महिला चिकित्सकको बलात्कार र हत्याको घटनामा ...
माघ ५, २०८१ शनिबार
-
युगान्डालाई हराउँदै नेपालकाे महिला टोली खो–खो विश्वकपको फाइ...
माघ ५, २०८१ शनिबार
-
महिला टी–२० राष्ट्रिय क्रिकेटमा लुम्बिनीले कर्णालीलाई हरायो
माघ ५, २०८१ शनिबार
-
सर्लाहीमा जङ्गली हात्तीद्वारा अन्न र उखुबाली नष्ट
माघ ५, २०८१ शनिबार
-
समाजवादी मोर्चासँग तत्काल सहकार्यको सम्भावना छैन : उपेन्द्र यादव
माघ ५, २०८१ शनिबार
-
स्वास्थ्य मन्त्रालयको परिपत्र : उपकरण राख्ने ठाउँ र जनशक्तिको सुन...
माघ ५, २०८१ शनिबार
-
पहिलो चरणअन्तर्गत इजरायलले ७ सय ३७ जना कैदी बन्दीलाई रिहा गर्ने
माघ ५, २०८१ शनिबार
-
१९ वर्षमुनिको महिला टी–२० विश्वकप : नेपाल बङ्गलादेशसँग पराजित
माघ ५, २०८१ शनिबार
-
एन्फा महिला लिग फुटबल : पुलिस र बागमतीको खेल बराबरीमा
माघ ५, २०८१ शनिबार
-
महिला टी–२० राष्ट्रिय क्रिकेटमा एपीएफले सुदूरपश्चिमलाई हरायो
माघ ५, २०८१ शनिबार
-
म्याग्दीमा अनलाइन प्रणालीमार्फत नागरिकताको सिफारिश गर्ने व्यवस्था
माघ ५, २०८१ शनिबार
-
भोजपुरकाे भुल्केका चार सय ६८ घरमा ‘एक घर, एक धारा’
माघ ५, २०८१ शनिबार
विचार
-
माघेसङ्क्रान्तिमा खाइने खानेकुराले ऊर्जा र शक्ति दिन्छ
पुस २९, २०८१ सोमबार
-
मानिस र वन्यजन्तु छिमेकी पनि हुन्, सचेत हुँदा आक्रमणबाट बच्न स...
पुस २९, २०८१ सोमबार
-
नेपालमा पढ्दै कमाउँदै गर्ने वातावरण नै छैन
पुस २२, २०८१ सोमबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
Hari Raj Adhikari
Jan. 3, 2020, 8:50 a.m.लडिराख कंग्रेस।देश, जनता, शुभचिन्तक भाडमा जावस्।