देशभर वर्षा, उच्च पहाडी र हिमाली भूभागमा हिमपात

पुष १८, २०७६ शुक्रबार ८:५५:५७ | उज्यालो सहकर्मी

काठमाण्डाै – अहिले देशभरिकै मौसम बदली भइ पश्चिमका धेरै ठाउँमा पानी परिरहेको छ ।

अहिले सुर्खेत, रुपन्देही, कपिलवस्तु, दाङ, बैतडी, अछाम, दैलेख, रुकुम, बर्दिया, प्यूठान, नवलपरासी, अर्घाखाँची, बाग्लुङ लगायत पश्चिमका धेरै ठाउँमा पानी परिरहेको मौसम पुर्वानुमान महाशाखाकी मौसमविद् प्रतिभा मानन्धरले जानकारी दिनुभयो ।

उहाँका अनुसार अहिले पश्चिममा पानी पारिरहेको प्रणाली पूर्वतिर सर्ने क्रममा रहेकाले अब बिस्तारै काठमाण्डाै उपत्यकासहित मध्य र पूर्वमा पनि पानी पर्नेछ ।

यस्तै उच्च पहाडी तथा हिमाली भेगमा हिमपात भइरहेकाे छ । जुम्लामा यस वर्ष दोस्रो पटक हिमपात भएको छ । शुक्रबार बिहानैदेखि हिमपात भएपछि अत्यधिक चिसो बढेको छ ।

त्यस्तै डोटीमा पनि बिहीबार रातिदेखि हिमपात भइरहेको छ । हिमपातपछि चिसो बढ्दा यस क्षेत्रको जनजीवन प्रभावित भएकोे छ । त्यस्तै २५ वर्षपछि डाेटीकाे सदरमुकाम सिलगढीमा पनि हिमपात भएकाे छ ।

आकाशमा बादल लागेपछि पानी नपरेको ठाउँको न्यूनतम तापक्रम बढेको छ भने अधिकतम तापक्रम घटेको छ । यसले चिसो बढाएको छ । चिसो बढ्दा जनजीवन प्रभावित भएको छ ।

आज देशभरिकै मौसम बदली भए पनि पश्चिमी वायु शनिबार बिहानदेखि भने केही कमजोर हुने देखिएको मौसमविद् मानन्धरले बताउनु भयो । उहाँका अनुसार आजको भन्दा शनिबार मौसम केही खुले पनि पूर्णरुपमा खुल्न भने अझै केही दिन लाग्नेछ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्