तोकिएको समयमा काम सम्पन्न नगर्ने ठेकेदारलाई कारबाही गर्छाैँ : मुख्यमन्त्री भट्ट

पुष २९, २०७६ मंगलबार २०:४१:३९ | विमल बिष्ट

डोटी - सुदूरपश्चिम प्रदेशका मुख्यमन्त्री त्रीलोचन भट्टले प्रदेश सरकारबाट सञ्चालित कुनै पनि योजनाहरु ताकिएकै समयमा सम्पन्न गर्नुपर्ने निर्देशन दिनु भएको छ ।

मुख्यमन्त्री भट्टले प्रदेश सरकारको बजेटबाट जिल्लामा सञ्चालन भइरहेका सम्पूर्ण योजनाहरु तोकिएको समयमै सम्पन्न गरिसक्नुपर्ने बताउनुभएकाे हाे ।

उहाँले भन्नुभयो, ‘प्रदेश सरकारको बजेटबाट छनौट भएका योजनाहरुमा हामीले कडा अनुगमन गर्दैछौँ । तोकिएको समयमा काम नसक्ने ठेकेदारलाई कारबाही गर्छाैँ ।’

मुख्यमन्त्री भट्टले जिल्लाको बुडर, जोरायल, गड्सेरा सडकको कालोपत्रे तथा सडक विस्तारका लागि ७० करोड रुपैयाँ बजेट विनियोजन भएकाले ती सडकको काम पनि ताेकिएको समयमा नै सम्पन्न हुनेमा आफू विस्वस्त रहेको बताउनुभयो ।

मुख्यमन्त्री भट्टले ठेक्का लिएर काम अलपत्र पर्ने परिपाटीको अब प्रदेश सरकारले अन्त गर्नेसमेत बताउनुभयो । उहाँले थप भन्नुभयो, ‘कामको ठेक्का लिने तर ताेकिएको समयमा काम नसकी काम लथालिंङ्ग गर्ने परिपाटी बढेकाले प्रदेश सरकारले त्यसको अन्त गर्नेछ ।’

जिम्मेवारी लिएर काम सम्पन्न नगर्ने ठेकेदार तथा तिनका कम्पनीको नाम संङ्कलन गरी काम सम्पन्न नगर्ने कम्पनी र ठेकेदारलाइ कालोसूचीमा राखिने उहाँले बताउनुभयाे।

जिल्लाका दिपायल गड्सेरा, बिपिनगर गड्सेरा, जोरायल गड्सेरा, खुटिया विपीनगर सडक, बोगटान, विपीनगर लगायतका सडकहरुको काम समयमै सम्पन्न हुन नसक्दा अलपत्र परेका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्