‘साना कृषि मोडेल फर्म स्थापना’ अनुदानका लागि लमजुङबाट १ सय १० र मनाङबाट एउटा मात्रै आवेदन

माघ ४, २०७६ शनिबार १०:४:३५ | श्यामशितल परियार

लमजुङ - ‘साना कृषि मोडेल फर्म स्थापना’ सहयोग कार्यक्रमका लागि कृषि ज्ञान केन्द्र लमजुङमा १ सय ११ आवेदन दर्ता भएका छन् ।

‘साना कृषि मोडेल फर्म स्थापना’ गर्न अनुदानका लागि लमजुङबाट १ सय १० आवेदन र मनाङबाट १ आवेदन गरी केन्द्रमा १ सय ११ आवेदन दर्ता भएका हुन् । केन्द्रले अनुदानका लागि गएको साउन २० गते ३५ दिने सूचना प्रकाशित गरेको थियो ।

मनाङमा तुलनात्मक रुपमा कृषि सहकारीका साथै सक्रिय कृषक समूहको कमी, फर्म दर्ता गरी कृृषि कर्म गर्ने किसानको संख्या कम भएकाले पनि अनुदानका लागि मनाङबाट कम आवेदन पर्न गएको हुनसक्ने कृषि ज्ञान केन्द्र, लमजुङका कृषि अर्थविज्ञ मदन रेग्मीले जानकारी दिनुभयो ।

स्थलगत अनुगमन

उहाँका अनुसार यसवर्ष प्राप्त आवेदनको आधारमा छनौट मूल्यांकन समितिले किसानको घरदैलोमै पुगी स्थलगत अनुगमन गरिसकेको छ । छनौट मूल्याकन अन्तिम चरणमा पुगेको उहाँले बताउनु भयाे ।

‘साना कृृषि मोडेल फर्म स्थापना’का लागि भूमी व्यवस्था, कृषि तथा सहकारी मन्त्रालय, गण्डकी प्रदेशबाट यसवर्ष केन्द्रलाई १ करोड रुपैयाँ प्राप्त भएको छ ।उहाँका अनुसार गएकाे वर्ष केन्द्रमा यसै अनुदानका लागि मनाङबाट एउटा पनि आवेदन परेको थिएन ।

‘केन्द्रमा गएकाे वर्ष लमजुङबाट २२ वटा आवेदन दर्ता भएका थिए । २० वटा छनौटमा परेका थिए । ३ जनाले सम्झौता गरेर पनि काम गरेनन् । त्यसैले गएकाे वर्ष १७ जनाले अनुदान पाएका थिए,’ उहाँले भन्नुभयो ।

‘साना कृृषि मोडेल फर्म स्थापना’का लागि भूमी व्यवस्था, कृषि तथा सहकारी मन्त्रालय, गण्डकी प्रदेशबाट गएकाे वर्ष केन्द्रलाई ७० लाख रुपैयाँ प्राप्त भएको थियो ।

गएकाे वर्ष २ लाख ५० हजारदेखी ४ लाख २० हजारसम्म कृषि सहकारी, कृषक समूह तथा नीजि कृषि कम्पनीले अनुदान पाएका थिए । ‘मौरीपालन, अलैँची खेती तरकारी खेती, माछापालन र केराखेतीका क्षेत्रमा ‘साना कृषि मोडेल फर्म स्थापना’ कार्यक्रमअन्तर्गत सहयोग गरिएको थियो,’ रेग्मीले भन्नुभयो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्