सरकारले लुम्बिनी बृहत्तर विकासकाे थालनी गर्छ : पर्यटनमन्त्री योगेश भट्टराई

माघ ५, २०७६ आइतबार १९:३२:२४ | उज्यालो सहकर्मी

काठमाण्डाै - संस्कृति, पर्यटन तथा नागरिक उड्डयनमन्त्री योगेश भट्टराईले लुम्बिनीको बृहत्तर विकासका लागि सरकारले कामको थालनी गर्ने बताउनुभएको छ ।बृहत्तर लुम्बिनी क्षेत्रको गुरुयोजना तथा लुम्बिनी विश्व शान्तिनगरको कार्यान्वयसम्बन्धी छलफलमा मन्त्री भट्टराईले यस्तो बताउनुभएको हो ।

लुम्बिनीको बृहत्तर विकासका लागि सरकारले अन्तर्राष्ट्रिय विमानस्थल निर्माणलाई प्राथमिकतामा राखेको उहाँले बताउनुभयो ।

‘हामीले अन्तर्राष्ट्रिय विमानस्थलको निर्माणलाई प्राथमिकतामा राख्यौँ । जसलाई राष्ट्रिय गौरवको आयोजनाको रुपमा सरकारले राख्यो । निर्माणको अन्तिम चरणमा पुगिसकेका छौँ । एयरपोर्ट पछि हट्दैन । त्यो अगाडि बढिसक्यो । त्यसको सञ्चालन छिट्टै गर्दैछौँ’, भट्टराईले भन्नुभयो ।

मन्त्री भट्टराईले मायादेवी क्षेत्रको विकासले मात्रै लुम्बिनीको बृहत्तर विकास हुननसक्ने बताउँदै विमानस्थलसँगै मायादेवी मन्दिर, देवदह, सैनामैना, तिलौराकोट लगायतका क्षेत्रहरुलाई एक अर्कासँग जोड्नुपर्ने बताउनुभयो ।

लुम्बिनी क्षेत्रमा रहेका सबै ठाउँहरुकाे आ-आफ्नो महत्व रहेको बताउँदै उहाँले घुम्न आउने विदेशी पर्यटक वा अध्ययनका लागि जाने विद्यार्थीहरुलाई ८, १० दिन त्यहाँ बिताउन सक्ने वातावरण निर्माण गर्नुपर्नेमा जोड दिनुभयो ।

लुुम्बिनीको बृहत्तर विकाससँगै प्राकृतिक, सांस्कृतिक कुराहरु पनि जोड्नुपर्ने भट्टराईको भनाइ छ । कार्यक्रममा लुम्बिनी विकास कोषका उपाध्यक्ष अवधेश कुमार त्रिपाठी (भिक्षु मेत्तेयय) ले बृहत्तर लुम्बिनीको लगभग ८० प्रतिशत काम सम्पन्न भइसकेको बताउनुभएको छ ।

बाँकी २० प्रतिशत कामका लागि अन्तर्राष्ट्रिय परामर्शदाता नियुक्त भइसकेको र २ महिना भित्रमा ग्लोबल टेण्डर आह्वान गरिने पनि उहाँले जानकारी दिनुभयो । बाँकी काम सम्पन्न गर्नका लागि ६ अर्ब बराबरको बजेट आवश्यक पर्ने बताउँदै उहाँले बजेट अभाव नभए चाँडै नै काम सम्पन्न हुने विश्वास दिलाउनुभयो ।

कार्यक्रममा इन्जिनियरिङ्ग संस्थान पुल्चोकका सह प्राध्यापक डा. सञ्जय उप्रेतीले लुम्बिनीको बृहत्तर विकासबाट सभ्य, सुसंस्कृत र अनुशासित नागरिक निर्माणमा सहयोग पुग्ने बताउनुभयो ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्