प्रदेश ५ काे विपक्षी दलका नेता पोखरेलको निधन

माघ ६, २०७६ सोमबार १५:१३:१६ | उज्यालो सहकर्मी

रुपन्देही - प्रदेश नम्बर पाँचका नेपाली कांग्रेसका संसदीय दलका नेता बलदेव शर्मा पोखरेलको निधन भएको छ ।

क्यान्सर रोगबाट पीडित ८२ वर्षीय पोखरेलको साेमबार दिउँसाे आफ्नै निवास रुपन्देहीको तिलोत्तमा १४ टिकुलीगढमा निधन भएको हो ।

गएकाे वर्ष माघमा छातीमा संक्रमण देखिएपछि काठमाण्डौँस्थित नर्भिक हस्टिलमा चेकजाँच गर्दा फोक्सोको क्यान्सर देखिएको थियो । त्यसपछि विभिन्न असपतालमा उपचार गराएकाे भए पनि क्यान्सर निकाे हुन सकेन । बरु क्यान्सरका् संक्रमण शरीरका अन्य अङ्गमा पनि फैलिन गयाे ।

रुपन्देहीको तिलोत्तमा रहेको क्रिमसन अस्पताल उपचार गराउँदा निको हुने सम्भावना नरहेको चित्किसकले बताएपछि घरमै राखेर उपचार गरिँदै थियाे ।

प्रदेश सभाकै ज्येष्ठ सदस्य रहनु भएका स्वर्गीय पोखरेल नेपाली कांग्रेसकोतर्फबाट समानुपातिकतर्फ प्रदेश सभा सदस्य बन्नु भएको हो ।

१९९४ साल माघ १९ गते प्युठानको तुसारामा जन्मनु भएका पाेखरेलले २०१३ सालदेखि नेपाल छात्र संघबाट राजनीतिक यात्रा थाल्नु भएकाे थियाे ।

पोखरेल २०१८ सालमा २ वर्ष नेपालगञ्जमा जेल पनि पर्नु भयाे । २०२६ सालदेखि २०३६ सालसम्म कांग्रेस रुपन्देहीको सचिव हुनुभएका पोखरेल कांग्रेस केन्द्रीय कार्यसमितिमा आमन्त्रित सदस्यसम्म बन्नुभयाे ।

स्वर्गीय पोखरेलका ४ छोरा २ छोरी र श्रीमती हुनुहुन्छ ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्