मकवानपुरमा ६३ केजी गाँजा र अफिम बोकेकाे गाडीसहित दुई जना नियन्त्रणमा

माघ १६, २०७६ बिहीबार २०:८:१२ | हरि हुमागाईं

मकवानपुर - मकवानपुर प्रहरीले ६३ केजी गाँजा र अफिम बोकेर पूर्व–पश्चिम राजमार्गमा गुडिरहेको पिकअपसहित दुई जनालााई नियन्त्रणमा लिएकाे छ ।

हेटौँडा–१९ नेवारपाटीमा रहेकाे पूर्वपश्चिम लोकमार्ग सडकखण्डमा जाँच गर्ने क्रममा प्रहरी टोलीले बुधबार राति साढे ९ बजे ६३ केजी गाँजा र ३ सय ग्राम अफिमसहित दुई जनालाई पक्राउ गरेको हो ।

पक्राउ पर्नेमा बारा पर्सौनी गाउँपालिका–६ का २८ वर्षीय रामजी साह तेली र आदर्श कोतवाला गाउँपालिका–२ का ३० वर्षीय प्रेम पटेल रहेका प्रहरीले जनाएकाे छ । बोलेरोको पछाडि भागमा फल्स बटम बनाएर लुकाइ ल्याएको २१ वटा प्लाष्टिकको पोकामा ६३ केजी गाँजा र ३ सय ग्राम अफिम भेटिएकाे हाे ।

मनहरीबाट हेटौँडातर्फ जाँदै गरेको बा ३ च ५९९७ नम्बरको पिकअप गाडी जाँच गर्दा प्रतिबन्धित गाँजा र अफिम फेला परेको मकवानपुर प्रहरी प्रमुख, प्रहरी उपरीक्षक सुरेशसिंह राठौरले जानकारी दिनुभयाे ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्