एमसीसीविरुद्धकाे बहस 'चुइगम चपाएकाे' जस्तै हाे : परराष्ट्र मन्त्री ज्ञवाली

'एमसीसीको 'फूलफर्म' थाहा नभएकाहरुले यसको विरुद्धमा बजारमा बहस सुरु गरे'

माघ २१, २०७६ मंगलबार १२:३२:५५ | जनार्दन घिमिरे

गुल्मी – परराष्ट्र मन्त्री प्रदीपकुमार ज्ञवालीले मिलेनियम च्यालेन्ज कर्पाेरेशन (एमसीसी) को विरुद्धमा बाहिर आएका कुराहरु अनावश्यक, अतिरञ्जित र प्रायोजित भएको बताउनु भएको छ ।

उहाँले सरकारले देश र जनताको हितलाई केन्द्रबिन्दुमा राखेर यस विषयलाई उठान गरेकोे भन्दै बजारमा अनावश्यक विषयमा बहस गरेर मित्रराष्ट्रहरुसँगकाे सम्बन्धलाई कसैले पनि तितो बनाउन नहुने धारणा व्यक्त गर्नु भएको छ ।

मङ्गलबारदेखि गुल्मीमा सुरु हुन लागेको स्वास्थ्य बीमा घोषणा कार्यक्रमको उद्घाटन गर्न गृह जिल्ला आइपुग्नु भएका मन्त्री ज्ञवालीले प्रेस सङ्गठन नेपाल गुल्मीले सदरमुकाम तम्घासमा आयोजना गरेको पत्रकार भेटघाट कार्यक्रममा यस्ताे बताउनु भएकाे हाे ।

नेपालको राष्ट्रिय हित र जनताको लाभ र देशको विकास जे मा हुन्छ सरकार त्यसैमा अघि बढ्ने भन्दै एमसीसीको 'फूलफर्म' थाहा नभएकाहरुले यसको विरुद्धमा बजारमा बहस सुरु गरेको टिप्पणीसमेत गर्नुभयो ।

उहाँले जसरी चुइगम चपाउँदा चपाउँदा रस सकिएर दाँतमा टासिन्छ र त्यसपछि त्यसको कुनै स्वाद नहुने भन्दै अहिले बजारमा चलिरहेको एमसीसीको बजार बहस पनि त्यस्तै प्रकृतिको भएको तर्क गर्नुभयो ।

पार्टीहरु लोकतन्त्रका आधार स्तम्भ भएको भन्दै पार्टीहरु कमजोर हुँदा लोकतन्त्रसमेत कमजोर हुने उहाँले बताउनु भयो । दुई वर्षको कार्य सम्पादनबाट वर्तमान सरकारको आत्मविश्वास बढ्दै गएकाे भन्दै मन्त्री ज्ञवालीले नेकपा अहिलेको सर्वाधिक लोकप्रिय दलको रुपमा स्थापित भएको समेत दाबी गर्नुभयो ।

जनताको वर्षौदेखिको समृद्धिकाे सपना वर्तमान सरकाले पूरा गर्ने बताउँदै मन्त्री ज्ञवालीले त्यसमा कोही पनि द्विविधामा नपर्न आग्रह गर्नुभयो । नेपाली जनताले वर्तमान सरकार ठूलो जिम्मेवारी सुम्पिएको भन्दै उहाँले त्याे जिम्मेवारी इमान्दारितासँग पूरा गर्न सरकार लागिपरेको बताउनु भयाे ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्