सुरक्षित वैदेशिक रोजगारीका लागि धुनीवेशी नगरपालिकाले रिटर्नी स्वयमसेवक राख्ने

माघ २४, २०७६ शुक्रबार ११:३५:३१

धादिङ – धादिङको धुनीवेशी नगरपालिकाका मेयर बालकृष्ण आचार्यले सुरक्षित वैदेशिक रोजगारीका लागि सबै मिलेर अघि बढ्ने बताउनुभएको छ ।

सुरक्षित वैदेशिक रोजगारीको विषयमा बिहीबार नगर कार्यसमितिका सदस्यहरुबीच भएको अन्तरक्रिया कार्यक्रममा युवाको सुरक्षित वैदेशिक रोजगारीको जिम्मेवारी पालिकाको भएको भन्दै उहाँले अबको केही दिनमा रिटर्नी स्वयमसेवक राखिने जानकारी दिनुभयो ।

कार्यक्रममा धादिङको चार वटा पालिकामा सञ्चालन भएको सुरक्षित आप्रवासन सामी परियोजनाको गतिविधि र आउँदो रणनीतिको बारेमा पनि नगर कार्यसमितिका सदस्यलाई जानकारी गराइएको थियो ।

सुरक्षित वैदेशिक रोजगारीका लागि जनप्रतिधिको भूमिका र विप्रेषणको सही सदुपयोगका लागि वित्तीय साक्षरता कक्षाको महत्वका विषयमा छलफल भएको थियो ।

धुनीवेशी नगरपालिकाका मेयर बालकृष्ण आचार्यको अध्यक्षतामा सम्पन्न भएको कार्यक्रममा उपमेयर निरु खरेल, प्रमुख प्रशासकीय अधिकृत गोविन्द सिग्देल, वडाध्यक्षहरु, नगर कार्य समितिका सदस्यहरुको सहभागिता थियो ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्