कोरोना भाइरसबाट जोगिन सप्तरीमा ‘हेल्थ डेस्क’ स्थापना

माघ २५, २०७६ शनिबार १९:५२:१९ | शुभनारायण यादव

सप्तरी - कोरोना भाइरसबाट जोगिन सप्तरीमा हेल्थ डेस्क स्थापना गरिएको छ ।

भाइरसबाट जोगिन सप्तरीमा रहेकाे नेपाल–भारत सीमानाका तथा राजविराज विमानस्थलमा हेल्थ डेस्क स्थापना गरी शनिबारदेखि विदेशी तथा पर्यटकहरुको स्वास्थ्य जाँच गर्न थालिएको हो ।

जिल्ला प्रशासन कार्यालय सप्तरीले गरेको परिपत्रअनुसार स्थानीय सरकारले तिलाठी कोइलाडी गाउँपालिका–१, बेल्ही भन्सार तथा राजविराज विमानस्थलमा ‘हेल्थ डेस्क परामर्श स्वास्थ्य सेवा’ स्थापना गरिएको तिलाठी कोइलाडी गाउँपालिकाका अध्यक्ष सतिश कुमार सिंहले जानकारी दिनुभयो ।

अरु देशबाट आउनेलाई स्वास्थ्य परीक्षण गरेर नेपालतर्फ भित्र्याइने भएकाले यसले केही हदसम्म कोरोना भाइरस नियन्त्रण गर्नमा मद्दत पुग्ने विश्वास लिइएको उहाँले बताउनुभयो ।

बाहिरबाट विमानस्थल भएर आउने पर्यटकहरुलाई समेत स्वास्थ्य परिक्षण गरेर प्रवेश गराउने कुरा रहेको उहाँले जानकारी दिनुभयो । बिहान १० बजेदेखि राति ६ बजेसम्म हेल्थ डेस्कमा शंका लागेका विदेशी तथा पर्यटकहरुको स्वास्थ्य परीक्षण कार्य भइरहेको छ ।

हेल्थ डेस्कमा परीक्षण गरिएका व्यक्तिहरुमा कोरोना भाइरसको लक्षण देखिनेबित्तिकै राजविराजमा रहेकाे गजेन्द्रनारायण सिंह अस्पताल पठाउने योजना रहेको तिलाठी कोइलाडी गाउँपालिकाका स्वास्थ्य संयोजक शैलेश साहले बताउनुभयो ।

‘बेल्हीमा रहेकाे हेल्थ डेस्कमा बिहीबार नेपालतर्फ आइरहेका २७ जना भारतीय नागरिकको स्वास्थ्य परीक्षण भयो’, उहाँले भन्नुभयाे, ‘तीमध्ये कोही पनि शंकास्पद बिरामी देखिएनन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्