हावाले रुख ढाल्दा बालकको ज्यान गयो

जेठ १०, २०७५ बिहीबार २०:४४:२५ | अमर सुनार

दैलेख, जेठ १० – हावाहुरीले ढलेको रुखले च्यापिएर दैलेखको ठाँटीकाँधमा बिहीबार साँझ एक बालकको ज्यान गएको छ ।

घटना ठाँटीकाँध गाउँपालिका–६, लाममेला टोलका जोगी दमाइको साईंलो छोरा ८ वर्षीय बालक रमेश नेपालीको ज्यान गएको प्रहरीले जनाएको छ । हावाहुरीले घर नजिकैको सल्लोको रुख ढलेर जोगी दमाईको १ तले मुण्डाघर भत्काउँदा ती बालकको घटनास्थलमै ज्यान गएको ठाँटीकाँध प्रहरी चौकीका हवल्दार आकाशसिंह ठकुरीले उज्यालोलाई बताउनुभयो ।

४ छोरा उनीहरुकी आमा अम्रा नेपाली घरभित्रै भएको बेला रुख ढलेर घर भत्किएलगतै आमाले सबै बच्चाहरुलाई बाहिर निकाले पनि बाहिर निकालिसकेपछि रमेशको प्राण गएको बताइएको छ ।

भत्किएको घरबाट निस्कन सके पनि आमा अम्रा नेपालीको दुवै खुट्टाको तिघ्रा र ढाडमा कडा चोट लागेकोले हल्चल गर्न सक्नुभएको छैन । त्यसै गरी जेठो छोरा १५ वर्षीय कमल नेपालीलाई टाउकोमा चोट लागेकोले ठाँटीकाँध प्राथमिक स्वास्थ्य केन्द्रमा प्रारम्भीक उपचार गरिएको वडाध्यक्ष मनबहादुर सिंजापतिले जानकारी दिनुभयो ।

घटनालगतै स्थानीयहरु जुटेर ठाँटीकाँध गाउँपालिका–६, का वडा सदस्य रत्न तिरुवाको घरमा राखी घाइतेहरुको उपचार र स्याहार सुसारको काम थालिएको छ । प्रकोप पीडित परिवारको राहत सहयोगमा जुट्न सरकारी निकायहरुलाई अह्राइसकिएको दैलेखका प्रमुख जिल्ला अधिकारी बिश्वराज न्यौपानले बताउनुभयो ।

मृतक रमेश नेपाली सूर्योदय आधारभूत विद्यालय लाममेलाको कक्षा २ मा पढ्दै थिए । रमेशका बुबा जोगी दमाई अघिल्लो वर्ष भूकम्प प्रभावित क्षेत्र काभे्रमा मजदूरी गर्न गएका थिए ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्