छोरो मलेसियामै रहेको खबर सुनेपछि कृष्णका बुवाआमा भन्छन् : पैसा चाहिँदैन, घर आउ छोरा

फागुन ६, २०७६ मंगलबार ११:२५:३

धादिङ – धादिङका कृष्ण घले मलेसियामा हराएको समाचार उज्यालोमा पढेपछि मलेसियाबाट जीवन तामाङले कृष्णको बारेमा जानकारी दिनुभएको छ ।

उहाँले उज्यालोलाई दिएको जानकारी अनुसार कृष्ण घले मलेसियामा ग्यालेक्सी सेक्युरिटी फोर्स कम्पनीमा सुरक्षा गार्डको काम गर्नुहुन्छ । छोरा मलेसियामै रहेको खबर सुनेपछि आमा सानुकान्छी घलेले छोरालाई छिटै घर आउन आग्रह गर्नुभएको छ ।

‘हामीलाई तिम्रो कमाइ चाहिँदैन, रित्तो हात आए पनि हुन्छ, हामी तिम्रो बाटो कुरिरहेका छौं छोरा,’ सानुकान्छीले आग्रह गर्नुभयो । कृष्ण घरको एक्लो छोरा हुन् । ७० टेकेका कृष्णका बुवा पर्वत घले पनि कृष्णलाई जतिसक्दो छिटो घर आउन आग्रह गर्नुहुन्छ ।

‘मेरो मर्नेबेला भइसक्यो, मर्नुअघि तिमीलाई भन्नुपर्ने कुरा छ छोरा, तिमी आउ,’ कृष्ण मलेसियामा रहेको खबर सुनेपछि पर्वतले भन्नुभयो । धादिङको धुनिवेशी नगरपालिका ५ का कृष्ण घले मलेसिया गएको ८ वर्ष भयो । तर आजसम्म फर्कनुभएको छैन ।

मलेसिया पुगेको दुई वर्षसम्म कृष्णले घरमा फोन गरिरहनुहुन्थ्यो । बेलाबेलामा पैसा पनि पठाउनुहुन्थ्यो । तर त्यसपछि कृष्ण एकाएक बेखबर हुनुभयो । घरमा श्रीमती र दुई छोराछोरी पनि कृष्णलाई कुरिरहेका छन् ।

सम्बन्धित समाचार

मलेसियामा हराएका कृष्ण घलेका बुवाआमाको गुनासाे : ‘हामीबाट गल्ती भएको भए माफ गर छोरा’

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्