पनौती टिप्पर दुर्घटना : कानुनी कारबाहीको माग, कर्फ्यु नहट्ने

चैत ४, २०७६ मंगलबार १९:६:२६ | कपिल कोइराला

काभ्रे - पनौतीमा सोमबार टिप्परकाे ठक्करबाट ज्यान गुमाएका आमा-छोरीका आफन्तले चालकलाई कानुन अनुसारको कारबाहीको माग गरेका छन् ।

जिल्ला प्रशासन कार्यालय धुलिखेलमा भएको छलफलमा मान्छे मारेपछि क्षतिपूर्ति लिएर चालकलाई उन्मुक्ति दिनेभन्दा पनि चालकलाई कडाभन्दा कडा कारबाहीको माग गरेका छन् ।

प्रशासनले पीडितको माग अनुसार कारबाही गर्ने र व्यवसायीले कानुन अनुसारको क्षतिपूर्ति उपलब्ध गराउने सहमति भएपछि आफन्तले शव बुझेका छन् ।

सम्बन्धित समाचार

काभ्रेकाे पनाैतीमा अनिश्चितकालीन कर्फ्यु

टिप्परकाे ठक्करबाट आमाछाेरीकाे ज्यान गएपछि पनाैतीमा झडप, प्रहरी र स्थानीय घाइते

प्रशासनले प्रतिबद्धता जनाएसँगै शव परीक्षण गरिएको छ । रोजगारीको सिलसिलामा मलेसियामा रहेका मृतकका श्रीमान छिरिङ भ्लोन मलेसियाबाट बुधबार नेपाल फर्किएलगत्तै शव बुझेर अन्त्येष्टि गरिने परिवारले जनाएको छ ।

साेमबार पनौतीबाट खोपासीतर्फ जाँदै गरेको बा.५.ख ५४८० नम्बरको टिपरको ठक्करबाट पनौती बसपार्कमा खानीखोला १ की ३३ बर्षीय जुनिमाया गोले र उनकी ३ वर्षीया छोरी स्मारिका भ्लोनको ज्यान गएको थियो ।

कर्फ्यु जारी

प्रहरी र स्थानीयबीचको झडपमा प्रहरी सहित केही स्थानीय घाइते भएपछि प्रशासनले मंगलबार बिहान ९ बजे देखि लगाएको कर्फ्यु तत्काल नहट्ने प्रशासनले जनाएको छ । प्रमुख जिल्ला अधिकारी श्रवणकुमार तिमल्सिनाले वस्तुगत स्थितिविश्लेषण गरेर मात्रै कर्फ्यु हटाइने जानकारी दिनुभयो ।

कर्फ्युका कारण मंगलबार पनौती क्षेत्रभित्रका सबै विद्यालयमा कक्षा ८ को नगरस्तरीय र अन्य केही विद्यालयमा अन्य तहको परीक्षा समेत हुन सकेन ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

कपिल कोइराला

काभ्रेमा बसेर पत्रकारिता गर्ने कपिल कोइराला उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्