रानीमहल दरबार संचालनको जिम्मा तानसेन नगरपालिकालाई

पुरातत्व विभाग र नगरपालिकाबीच सम्झौता

साउन ११, २०७५ शुक्रबार १०:१६:५७ | देव पचभैया

पाल्पा – नेपालको ताजमहलको रुपमा परिचित पाल्पाको रानीमहल दरबारको संरक्षण, व्यवस्थापन र सन्चालनको जिम्मा तानसेन नगरपालिकाले पाएको छ । विहीबार पुरातत्व विभागका महानिर्देशक भेषनारायण दाहाल र तानसेन नगरपालिकाका नगर प्रमुख अशोककुमार शाही बीच समझदारी पत्रमा हस्ताक्षर भई विभागले नगरपालिकालाई सो जिम्मेवारी दिएको हो ।

संस्कृति, नागरिक तथा पर्यटन मन्त्री रविन्द्र अधिकारीको उपस्थितिमा १० वर्षको लागि विभागले नगरपालिकालाई जिम्मेवारी दिएको तानसेन नगरपालिकाका प्रमुख प्रशासकीय अधिकृत कृतनराज पौडेलले जानकारी दिनुभयो ।

विभागसँगको सम्झौतामा रानिमहलको संरक्षणमा मर्मत सम्भारका काम गर्नुका साथै नगरपालिकाले प्रवेश शुल्क लिन सक्ने जनाइएको छ । तानसेन नगरपालिका वडा नम्बर १३ मा पर्ने ऐतिहासिक एवं पुरातात्विक महत्वको रानी महल दरबार राजा खड्ग शमशेरले रानी तेजकुमारीको सम्झनामा निर्माण गरेका थिए ।

कालीगण्डकी नदी किनारबाटै निर्माण गरिएको रानीघाट दरबारलाई प्रेमको प्रतिकका रुपमा समेत हेर्ने गरिन्छ । सदरमुकाम तानसेन देखि झण्डै १४ किलोमिटरको दुरीमा रहको दरबार सम्म पुग्न सरकारले बाटो मर्मत र पिच गर्ने काम समेत गरेको छ ।
केही वर्ष अघिदेखि दरवार क्षेत्रमा होटेल तथा रिसोर्टहरु सञ्चालन भएपछि आन्तरिक र बाह्य पर्यटकहरुको संख्या बढ्दो छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्