इमरान खानको पार्टीलाई ११० सिट, एक्लै सरकार बनाउन नसक्ने

साउन ११, २०७५ शुक्रबार १३:२१:४२ | उज्यालो सहकर्मी

पाकिस्तानको संसदीय चुनावको नतिजा अन्तिम चरणमा पुगेको छ । पूर्व क्रिकेटर इमरान खानको पार्टी पाकिस्तान तहरिक–ए–इन्साफ(पीटीआई) सबैभन्दा ठूलो दलका रुपमा उदाएको छ । तर सबैभन्दा ठूलो दल भएर पनि उ एक्लैले भने सरकार बनाउन नसक्ने स्थिति सिर्जना भएको छ ।

पाकिस्तान चुनाव आयोगद्वारा सार्वजनिक मतपरिणाम अनुसार पीटीआईले २५१ सिटमध्ये ११० सिटमा जित हात पारेको छ । पाकिस्तानको संसद(नेसनल एसेम्बली) मा २७२ सिट रहेको छ ।

इमरान खानका प्रतिद्वन्द्वी पानामा प्रकरणमा जेल सजाय भोगिरहेका नवाज शरीफको पाकिस्तान मुस्लिम लिग – नवाज(पीएमएल–एन)ले ६३ सिटमा जित हात पार्दै दोस्रो स्थानमा रहेको छ । त्यस्तै बिलावल भुट्टोको पाकिस्तानी पिपल्स पार्टी(पीपीपी) ले ३९ सिटमा जित हात पार्दै तेस्रो भएको छ । पाकिस्तानी सञ्चारमाध्यमले जनाए अनुसार अहिले पनि २० सिटमा मतगणना जारी छ ।

पाकिस्तानमा सरकार बनाउन १३७ सिट आवश्यक हुन्छ । पाकिस्तानी संसदमा २७२ जना सांसद निर्वाचित भएर आउँछन् भने ६० सिट महिलाका लागि र १० सिट धार्मिक अल्पसंख्यकका लागि आरक्षितर रहेको छ ।

बिहीबार नै आफ्नो पार्टीले जितेको घोषणा गर्दै पूर्व क्रिकेटर इमरान खानले पाकिस्तानलाई आर्थिक तथा सामाजिक रुपमा शक्तिशाली बनाउने बताएका थिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्