जिल्ला अस्पतालमा छैन थर्माेगन, अन्य थर्माेगनले ज्वरो देखाएन

चैत २१, २०७६ शुक्रबार १३:११:१२ | राधाकृष्ण डुम्रे

स्याङ्जा–विशेष क्लिनिकमार्फत ज्वरोका बिरामीको स्वास्थ्य परीक्षण गर्दै आएको जिल्ला अस्पताल स्याङ्जामा आवश्यक उपकरण तथा सामाग्री नभएको भन्दै स्वास्थ्यकर्मी चिन्तित बनेका छन् ।

कोरोना भाइरसको रोकथामको लागि देशभर ‘लकडाउन’ गरिएपछि अस्पतालले रुघाखोकी लागेका बिरामीलाई लक्षित गरी छुट्टै ‘फिभर क्लिनिक’ निर्माण गरेको छ ।

जिल्ला अस्पतालमा दैनिक छ, सात जना ज्वरोका बिरामी आउने गरेका छन् । तर उनीहरुको ज्वरो नाप्न अस्पतालमा ‘थर्माेगन’ छैन । ‘थर्माेगन’ नहुँदा समस्या भएको जिल्ला अस्पतालका मेडिकल सुपरिटेन्डेन्ट डाक्टर सुशील मरासिनीले जानकारी दिनुभयो ।

पुतलीबजार नगरपालिकाले केही थान पीपीई उपलब्ध गराएपनि प्रयाप्त नभएकोले उपचारका क्रममा आफूहरुले असुरक्षित महसुस गरेको डाक्टर मरासिनीको गुनासोे छ ।

अस्पतालमा आउने बिरामीको अवस्थाबारे पहिले सोधपुछ गर्ने र रोगको प्रकृतिअनुसार परीक्षण गर्ने गरिएको जिल्ला अस्पतालका वरिष्ठ स्वास्थ्य अधिकृत माधवप्रसाद भट्टराईले जानकारी दिनुभयो ।

बिरामीहरुलाई २४ सै घण्टा सेवा दिइरहेको अस्पतालले जनाएको छ । ‘आवश्यक सामाग्रीको अभाव भएपनि हामीले बिरामीको परीक्षण निरन्तर गरिरहेका छौं,’ अधिकृत भट्टराईले भन्नुभयो ।

यस्तै वालिङमा पनि छुट्टै ‘फिभर क्लिनिक’ सञ्चालन गरिएको ग्रह्रौं प्राथमिक अस्पतालले जनाएको छ । दैनिक ज्वरोका बिरामी आउने गरेको बताउँदै प्राथमिक अस्पतालले आवश्यकताअनुसार उपचार गरिएको जानकारी दिए ।

वालिङमा ज्वरो नाप्ने ‘थर्माेगन’ र केही थान पीपीई बाहिरबाट समेत आएको अस्पतालका वरिष्ठ स्वास्थ्य अधिकृत तथा सूचना अधिकारी देवेन्द्रप्रसाद भट्टराईले जानकारी दिनुभयो ।

अस्पतालमा रहेको ‘थर्माेगन’ले ज्वरोका बिरामीको समेत ज्वरो नदेखाउने गरेको उहाँको भनाइ छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्