'लकडाउन'मा पनि घुम्न आएपछि स्थानीयले बाटो नै बन्द गरे

चैत २४, २०७६ सोमबार १२:४०:२३ | राधाकृष्ण डुम्रे

स्याङ्जा – कोरोना भाइरस (कोभिड १९) रोकथामका लागि देशभर लकडाउन घोषणा गरिएको छ । गएको आइतबारबाट एक पालिकाबाट अर्को पालिकामा जान समेत प्रतिबन्ध लगाइएको छ । तर स्याङ्जाको वालिङ नगरपालिका १० मा पर्ने पर्यटकीय क्षेत्र घ्वाङ खोलामा भने आन्तरिक पर्यटक आउन क्रम नरोकिएपछि स्थानीयले बाटो नै बन्द गरेका छन् ।

कोभिड १९ को रोकथामका लागि पालिकामा समेत कडाइ गरिएको छ तर कतिपय मानिसहरु एकान्त र शान्त वातावरणमा बस्ने भन्दै घ्वाङ खोला क्षेत्रमा जाने गरेपछि स्थानीय त्रसित बनेका हुन् ।

लकडाउनअघि दिनहुँजसो चहलपहल भइरहने त्यो क्षेत्रमा जाने बाटो बर्तुङका स्थानीयवासीले बन्द गरिदिएका हुन् ।

‘प्रशासनको आँखा छलेर बजारका मानिस नियमित आउन थाले, त्यसैले हामी बाटो नै बन्द गर्न बाध्य भयौँ’, स्थानीय निशान्त सुवेदीले भन्नुभयो । पालिका र प्रशासनले समेत यसरी अनावश्यक रुपमा बाहिर घुम्न हिँड्ने मानिसलाई कारबाही गर्नुपर्ने उहाँको माग छ ।

'स्थानीय पर्यटकीय क्षेत्रको विकास एवम् प्रवर्द्धन गर्नु आफूहरुको दायित्व भए पनि यो अवस्थामा मानिस आइरहँदा हामी झनै आत्तियौं', सुवेदीले भन्नुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्