आमा तिमी धन्य छ्यौ

वैशाख ११, २०७७ बिहीबार १३:४९:५ | दामोदर न्याैपाने

कविता

आमा त्यो दूधको भार तिर्न सक्छु कि सक्दिन
तिम्रो त्यो सत मार्गैमा हिँड्न सक्छु कि सक्दिन ।
तिम्रो वचन मान्दै म सुमार्गमा म बढ्नुछ
पीडा र कष्टमा रुँदा ऐया आमा नि भन्नुछ ।।

दिएको छु पीडा धेरै गर्भमा रहँदा पनि
सन्ततिमा सदा स्नेह दुःख त्यो सहँदा पनि ।
मलाई तृप्त राख्यौ नि आफू भोकै बसे पनि
खड्किएन अभाव खै जस्तै दुःख परे पनि ।।

मलाई काखमा राखी आफू बसेर मट्टीमा
पलपल क्षमा दिन्थ्यौ मेरा ठूला ती गल्तीमा ।
तिम्रो त्यो ममता जाँच्न हरक्षण सताउँथेँ
मलाई दुःखी देखेमा आँखा तिम्रो रसाउँथे ।।

पिठ्युँमा दाउरा घाँस कहाँ सक्छु र बिर्सन ?
गाएको त्यो लोरी आमा कहाँ सक्छु र बिर्सन ?
तिम्रो त्यो अठोट आमा सार्थक मेरो जीवन
तिम्रो त्यो ममता छोडि कतै जान म सक्दिन ।।

सागरबाट पीयूष खाएर का सकिन्छ र ?
त्यस्तै त्यो गुणको गाथा गाएर का सकिन्छ र ?
सारा यो विश्व ब्रह्माण्ड तिमीलाई म मान्दछु
हे जननी ! तिमी धन्य केवल यति जान्दछु ।।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दामोदर न्याैपाने

उज्यालाेमा कार्यरत दामोदर न्याैपाने समसामयिक विषयमा कलम चलाउनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्