वर्षौंदेखिको बाँझो बारी फेरि फोरिन्छ

 वैशाख १५, २०७७ सोमबार १९:१९:२६ | मेरो कथा मेरो भोगाई

रोशन ठकुरी, हाल/साउदी अरेबिया ।

यतिबेला खाडीमा के छैन ? सबथोक छ । डर छैन कि ? ज्यानको माया छैन कि ? परिवारको माया छैन कि ? आफ्नै देश प्रेमले मन भरिएको छैन कि ? साँच्चै भन्दा यो बेला मनमा सबथोक छ ।

पहिले आफ्नो ठाउँठाउँमा, देशमा रोजगारीको बाटो नदेखेर परदेशीएका म जस्ता धेरैको यतिबेला मनमा आफ्नै देशमा केही आँट पनि छ । मन त उहिल्यै उडेर गाउँ आइसक्यो । के के योजना बुनिसक्यो । सपनामा भविष्य सुन्दर देखिइक्यो । तर बस ज्यान उडेर जाने बाटो बन्द छ ।

सङ्क्रमितको सङ्ख्या हेर्ने हो भने खाडीका अरु देशको तुलनामा साउदीमा सबैभन्दा धेरै छ ।

तर भाग्य नै भन्नुपर्छ नेपालीको सङ्ख्या धेरै छैन।

यो कुराले पनि कोरोनासँग लड्न मन थप बलियो भएको छ । तर अवस्था त विरक्त लाग्दो छ । कर्फ्यु छ । काम छैन ।

अघिपछि निधारको पसिना कुर्कच्चाबाट तरतरी चुहिनेगरी खेटेको ज्यान अहिले कोठामा थुनिएको छ ।

तर कहिलेसम्म ठेगान छैन । खाद्यान्न महङ्गो हुँदैछ । कतिपय साथीहरुलाई त खानबस्नको समेत समस्या हुन थालिसकेको छ ।

कतिपय भने जोखिम उठाएर भए पनि काम गर्दै हुनुहुन्छ । के गरौं ? काम नगरौं परदेशको नियम, काम गरौं कोरोनाको जोखिम । सबै परदेशीको मन यतिबेला अत्यास र डरमै बितेको छ । मलाई पनि डर लाग्छ सम्झँदा त ।

तर फेरि सोच्छु, ज्यान सद्दे भए त विदेशमा सिकेको सीप र ज्ञान आफ्नै ठाउँमा लगाइन्छ । वर्षौंदेखिको बाँझो बारी फेरि फोरिन्छ । कृषिमा क्रान्ति गरिन्छ । केही नहोस् । सकुशल घर फर्कन पाउँ ।

याे पनि पढ्नुहाेस्

 

अन्तिम अपडेट: पुस २, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई