दुबईमा जन्मदिन मनाउने तयारी गरिरहेका दीपकको ज्यान गयो

वैशाख १६, २०७७ मंगलबार १७:५५:५ | उमाकान्त पाण्डे

यूएई – दुबईमा कार्यरत मोरङ बेलबारीका ५२ वर्षीय दीपक पराजुलीको आफ्नै जन्मदिनको दिन ज्यान गएको छ ।

१० वर्षदेखि यूएईको ट्रान्सगार्ड सेक्युरिटी कम्पनी दुबईमा कार्यरत दीपकको आइतबार बिहान हृदयघातका कारण ज्यान गएको हो ।

आइतबार दीपकको जन्मदिन थियो । १२ बजे शुभकामना दिने भन्दै शनिबार राति अबेरसम्म श्रीमती तथा परिवारले उहाँसँग अनलाइनमा कुरा गरेको दीपकसँगै बस्ने एक सहकर्मीले बताए ।

सामान्य ज्वरो आएका कारण दीपक केही दिनदेखि कोठामै हुनुहुन्थ्यो । कोठामै रहेर औषधि लिईरहेका उहाँ एक्कासी ढलेपछि साथीभाइ तथा कम्पनीको सहयोगमा डीआईपीमा रहेको एनएमसी रोयल अस्पताल लगिएको थियो ।

अस्पताल पुर्याएलगत्तै डाक्टरले दीपकको मृत्यु भइसकेको घोषणा गरेका थिए । उहाँको शव अहिले त्यही अस्पतालमै राखिएको एनआरएनए यूएईका अध्यक्ष प्रकाश कोइरालाले जानकारी दिनुभयो ।

१० वर्ष पहिले वैदशिक रोजगारीका लागि यूएई आएका दीपकको श्रीमती र दुई छोरा छन् । छोराहरु पनि वैदेशिक रोजगारीमा रहेको पारिवारिक स्रोतले जनाएको छ ।

याे पनि पढ्नुहाेस्

अप्रिल २८ : खाडी र मलेसियामा काेराेना सङ्क्रमितकाे सङ्ख्या ५४ हजार नाघ्याे

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्