देश विकासमा हाम्रो ठूलो योगदान छ, संकटको बेला स्वदेश फर्किन पाउनुपरर्‍याे

 वैशाख ३१, २०७७ बुधबार १४:४५:५२ | मेरो कथा मेरो भोगाई

निकेश/काठमाण्डौ, हाल कतार

अहिले म वैदेशिक रोजगारीको क्रममा कतारको एउटा ल्याब कम्पनीमा कार्यरत छु । कम्पनीमा म एनजी मेसिन अपरेटरको रुपमा काम गर्छु । यस कम्पनीले कतारमा तेस्रो पार्टीको काम गर्छ । कामको सिलसिलामा साइटतिर पनि जानुपर्ने हुन्छ ।

फाइल तस्बिर

लकडाउनको बेला पनि कम्पनीले काम बन्द गरेको छैन । ल्याबमा काम चलिरहेको छ । तर आफ्नो स्वास्थ्यको ख्याल गरेर काममा नजानेहरुलाई कम्पनीले तलब पनि दिएको छैन ।

तर ऋणको रुपमा २५० कतारी रियाल भने दिएको छ । अझै ९ जनालाई त कामबाट निकालिसकेको छ ।  अहिले लकडाउन खुलेको अवस्था छ, तर हामी कत्ति पनि सुरक्षित छैनौं । कम्पनीले अहिले आफूसँग काम नभएको र कम्पनी घाटामा गएको भन्दै एक हप्ताको तलब काटेर दिने भनेको छ । तर हामीले काम गरेको (हाजिर गरेको) सबै दिनको तलब पाउनुपर्छ भनेर आवाज उठाएका छौं । तर कम्पनीले मानिरहेको छैन ।

कम्पनीमा कोरोनाको त्रास पनि त्यत्तिकै धेरै छ । हिजो मात्र कम्पनीका दुईजना बंगाली कामदारलाई कोरोना लागेको पुष्टि भएको छ । अहिले उनीहरुलाई क्वरेन्टिनमा राखिसकेको छ । यति हुँदा पनि हाम्रो कम्पनी काम गर्ने श्रमिकको सुरक्षामा कुनै सचेत भएको जस्तो देखिंदैन ।

काम बन्द हुँदैन, मास्क र ग्लोव लगाउ मात्रै भन्छ । यदि मास्क र ग्लोव लगाएर मात्रै सुरक्षित हुने भए त कसैलाई पनि कोरोना देखिने थिएन होला । मास्क र ग्लोव त सबैले नै लगाइरहेका छन् ।

धेरैले एउटै भान्सा र शौचालय प्रयोग गर्छन्, अनि हामी कोरोनाबाट कसरी बच्न सक्छौं र रु तर कम्पनीले यो कुरा बुझिरहेको छैन । 

कम्पनीले जुन महिनादेखि काम पनि बन्द गर्छ होला । काम नभएपछि पैसा दिने त कुरै भएन । खाना बस्न पनि दिन्छ कि दिन्न थाहा छैन । यदि त्यसो भयो भने हामीले कहाँ बस्ने, के खाने भन्ने चिन्ता अहिले देखि नै हुन थालिसक्यो ।  

यस्तो अवस्थामा नेपाल सरकारले हामीहरुलाई स्वदेश फर्काएन भने यहाँ हामीहरु निकै अप्ठ्यारोमा पर्नेछौं । हाम्रो अवस्थाको बारेमा सरकारले कहिले बुझ्ने हो ?

कि हामी साँच्चै नेपाल फर्किन नपाउने नै हो र रु हामीले पनि देश विकासमा ठूलो योगदान दिएका छौं । देशको अर्थतन्त्र नै धान्ने गरी रेमिट्यान्स पठाएका छौं । यस विषयमा सरकार गम्भीर किन हुँदैन ?

याे पनि पढ्नुहाेस्

 

अन्तिम अपडेट: मंसिर २९, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई