पैसा प्यारो, तर त्यही पैसा पठाउने मान्छेलाई चाहिँ हेलाँ ?

 जेठ २, २०७७ शुक्रबार १६:२६:५४ | मेरो कथा मेरो भोगाई

उमानन्द भुसाल/अर्घाखाँची, हाल यूएई

काठमाण्डौ – मसँगै काम गर्ने साथीहरुलाई उनीहरुको देशको सरकारले स्वदेश फर्काइसक्यो । तर म एक महिना भयो कोठामा सुतेको सुत्यै छु । भनौं कोठाभित्रै कैद छु । 

आफ्ना देशका नागरिकलाई उचित व्यवस्थापन गर्न सरकारले चासो नदेखाउँदा यहाँको सरकारले पनि ध्यान दिन छाडिसक्यो । यहाँको सरकारले नेपालीहरुप्रति ‘मरे मरोस् बाँचे बाँचोस्’को मनस्थिति बनाएको देखिन्छ ।

यूएईले त झन् आफ्नो देशबाट नागरिकलाई फिर्ता लैजान सबै देशलाई आग्रह गरिसकेको छ । तर नेपाल सरकारसँग भने कुनै स्पष्ट धारणा नै छैन । योभन्दा लाजमर्दो कुरा अरु के हुन सक्छ ?

यस्तै कुनै देशहरूले आफै विमान चार्टर गरेर तिम्रो नागरिक पठाइदिन्छौंं भनिरहँदा पनि नेपाल सरकारले उचित जवाफ दिन सकिरहेको छैन । त्यसैको प्रभाव अहिले परदेशमा रहेका लाखौं नेपाली श्रमिकलाई परिरहेको छ ।

मसँगै काम गर्ने धेरै भारतीय साथीहरु भारत सरकारले लिएको नीति कार्यक्रम अन्तर्गत सहभागी भइ अब केही दिनमै स्वदेश फर्किदै छन् । पाकिस्तानले पनि आफ्ना नागरिकलाई स्वदेश फर्काउने भैसक्यो । तर हाम्रो देश भने हेरिरहेको छ ।

विदेशमा रहेका नेपालीहरुलाई उद्धार गर्ने छाँटकाँट केही देखिएको छैन । क्या गज्जब को सरकार ! पैसा प्यारो तर त्यही पैसा पठाउने मान्छे हेलाँ । आखिर यस्तो कहिलेसम्म चल्ने हो ?

परदेशमा रहेका नेपाली श्रमिकहरुको अहिलेको आशा भनेको नेपाल सरकारले पनि हामीहरुलाई जतिसक्दो चाँडो स्वदेश फर्किने वातावरण मिलाओस् भन्ने हो ।

अहिलेसम्म विदेशबाट आउँदा रोग लिएर आउँछन्, सङ्क्रमण हुन्छ भन्ने गलत सोचाइका कारण नै हाम्रो सरकारले कुनै निर्णय लिन नसकेको जस्तो मलाई लाग्छ ।

हामीहरुको उचित व्यवस्थापन, कडा क्वरेन्टिन र निरन्तर स्वास्थ्य परीक्षण गर्ने व्यवस्थाका साथ स्वदेश फर्काउनुपर्छ । परदेशमा रहेका लाखौं नेपाली श्रमिकको अहिले नेपाल सरकारसँग यही माग छ ।

याे पनि पढ्नुहाेस्

 

अन्तिम अपडेट: मंसिर २९, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई