स्वदेश फर्कन घरबारी कसरी बेच्नु सरकार ?

 जेठ ३०, २०७७ शुक्रबार १९:३२:२८ | मेरो कथा मेरो भोगाई

उमानन्द भुसाल हाल, युएई ।

सरकारले विदेशमा समस्यामा रहेका नेपालीलाई उद्घार गर्न थालेको स्वागतयोग्य छ । यो खबरले सायद मसहित परदेशमा रहेका धेरै नेपालीलाई खुशी दिलायो होला।

तर समस्या के भयो भने नेपालबाट जहाज त आउने भयो तर हामीसँग त्यो जहाजमा चढेर नेपाल फर्कन पैसा साथमा छैन । तीन महिना भयो काम छैन । तलब पनि छैन । खान बस्न समस्या छ । यो समयमा त्यति महङ्गो भाडा कसरी तिर्ने होला ? यही प्रश्नले मन अशान्त भएको छ । के सरकारलाई यो कुराले पोलेको छैन होला ?

मेरो विचारमा सरकारले तोकेको भाडा दर वैज्ञानिक हुँदै भएन । किनभने चार, पाँच महिनादेखि धेरैजना बेरोजगार भएर बसेका छन् । यस्तो अवस्थामा सामान्य अवस्थामाभन्दा निकै महंगो टिकट कसरी तिर्नु ? सरकारले साँच्चै उद्धार गर्न लागेको हो र ? यो त उद्धार भएन भन्ने मलाई लाग्छ । आउँदा पनि साहुको ऋण लिन घर जग्गा धितो राखेर आइयो, अब फर्कंदा पनि बाँकी भएको घरजग्गा धितो राख्नु पर्ने देखियो ।

सरकारले कहिले जहाज खुलाउँछ भनेर मोबाइल हेर्दाहेर्दै आँखा कमजोर भयो । तर जब आयो खबर तब यो आँखा तिरमिराए । सरकारले खाडीमा बिचल्लीमा परेका नेपालीलाई झुक्काएको हो कि खै के हो मैले बुझ्न सकेको छैन ।

चार्टर्ड जहाजमा नेपाली फर्काउन नियमित भाडाभन्दा केही बढी त ठिकै होला तर यत्रो भाडा त कसरी तिरौं र खै ? नेपालीको साँच्चै उद्धार गर्ने हो भने सित्तैमा नसके पनि भाडादर सस्तो गर्नपर्छ सरकारले । सरकारले तोेकेको भाडाले हामी दुई, चार पैसा कमाएर घर परिवार पाल्न परदेश आइपुगेकालाई साह्रै पोलेको छ ।

उद्धारको नाममा आफ्नै नागरिकलाई मारमा नपार न सरकार । आशा छ यो भाडादर सरकारले घटाउनेछ । नत्र त हामी परदेशी भाडा तिर्न नसकेकै कारण यतै अड्कने छौं ।

अन्तिम अपडेट: पुस ४, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई