हिजो ज्यान गुमाएका निजगढका बालकमा कोरोना भेटियो

जेठ ३१, २०७७ शनिबार १३:३२:३४ | जयनारायण यादव

बारा - शुक्रबार साँझ वीरगन्ज हेल्थ केयर हस्पिटलमा मृत्यु भएको बाराको निजगढ नगरपालिका ६ योजना टोलका पाँच वर्षीय बालकमा कोरोना सङ्क्रमण पुष्टि भएको छ ।

नारायणी उपक्षेत्रीय अस्पतालमा गरिएको पीसीआर परीक्षणमा ती बालकमा कोरोना पोजेटिभ पाइएको हो । गम्भीर बिरामी भएर निजगढका विभिन्न क्लिनिकमा उपचार गराउँदै आएका बालकलाई हिजो शुक्रबार बिहान ११ बजे वीरगन्ज हेल्थ केयर हस्पिटलमा ल्याइएकोमा अस्पतालले इमर्जेन्सी कक्षबाट भेन्टिलेटरमा लैजान आरडीटी परीक्षण गर्दा कोरोना पोजेटिभ पाइएको थियो ।

निमोनिया भएको ती बालकको स्वाब संकलन गरी परीक्षणका लागि नारायणी उपक्षेत्रीय अस्पतालमा पठाएर भेन्टिलेटरमा राखेर उपचार गर्दागर्दै साँझ ६ बजे उनको मृत्युु भएको थियो ।

मृतक बालकको पीसीआर परीक्षणको रिपोर्ट आज पोजेटिभ आएको बाराका प्रहरी नायब उपरीक्षक गौतम मिश्रले जानकारी गराउनु भयो ।

कोरोना सङ्क्रमणले बालकको मृत्यु भएको पुष्टि भएपछि बालकको शव नेपाली सेनाको जिम्मा लगाइएको र सेनाले परिवारको समन्वयमा केही बेरमा शव व्यवस्थापन गर्ने प्रनाउ मिश्रले जानकारी गराउनु भयो ।

योसँगै बारामा कोरोना सङ्क्रमणबाट मृत्यु हुनेको संख्या दुई पुगेको छ । यसअघि करैयामाई गाउँपालिकाका एक वृद्धको कोरोना सङ्क्रमणबाट मृत्यु भएको थियो ।

मृत्यु भएका बालकमा कोरोना सङ्क्रमणको पुष्टि भएपछि निजगढ बजार पुर्णरुपमा बन्द गरिको नगर प्रमुख सुरेश खनालले जानकारी गराउनु भयो । बालकको सम्पर्कमा आएकाहरुको कन्ट्याक्ट् ट्रेसिङ्ग भइसकेको र उनीहरुलाई क्वरेन्टीनमा राख्ने तयारी भइरहेको प्रहरी नायब उपरीक्षक मिश्रले जानकारी गराउनु भयो ।

अन्तिम अपडेट: मंसिर २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयनारायण यादव

जयनारायण यादव बाराका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्