अस्पतालहरूलाई सेवा शुल्क सार्वजनिक गर्न मन्त्रालयको परिपत्र, नगर...
मंसिर ७, २०८१ शुक्रबार
५ वर्षपछिको पर्यटन : १० वटा जहाजले अन्तर्राष्ट्रिय उडान गर्ने, वार्षिक २५ लाख पर्यटक नेपालमा !
काठमाडौं – संस्कृति पर्यटन तथा नागरिक उड्ययन मन्त्रालयले ५ वर्षे कार्ययोजना सार्वजनिक गरेको छ ।
अर्थमन्त्री युवराज खतिवडा, पर्यटनमन्त्री रवीन्द्र अधिकारी, उद्योगमन्त्री मात्रिका यादव र सबै प्रदेशका पर्यटनमन्त्रीको उपस्थितिमा मन्त्रालयमा भएको कार्यक्रममा ५ वर्षे कार्ययोजना सार्वजनिक गरिएको हो ।
कार्ययोजनामा नेपालमा ५ वर्षपछि एकैवर्ष २५ लाख पर्यटक ल्याउने लक्ष्य राखिएको छ । यसबाट नेपालको कुल ग्राह्थ उत्पादनमा १० प्रतिशत टेवा पुग्ने मन्त्रालयको दावी छ ।
५ वर्षभित्र १० वटा विमान, ३ वटा अन्तर्राष्ट्रिय विमानस्थल
२०७९-८० सम्म वाइडबडी र न्यारोबडी गरी १० वटा अन्तर्राष्ट्रिय उडान गर्ने जहाज हुने पनि कार्ययोजनामा उल्लेख छ । १० वटा जहाजले संसारका धेरैजसो ठाउँमा उडान गर्न सक्ने दावी मन्त्रालयको छ । ५ वर्षपछि नेपाल वायुसेवा निगमले नेपाली बजारमा ६० प्रतिशत हिस्सा ओगट्ने, र त्यसको लागि १० वटा अन्तर्राष्ट्रिय र १५ वटा आन्तरिक उडान गर्ने विमान निगमसँग हुने कार्ययोजनामा उल्लेख छ ।
हरेक स्थानीय तहमा १-१ वटा हेलिप्याड बनाउने, अन्तरप्रादेशिक उडान तीव्र हुने, काभ्रेको नागिडाँडामा आन्तरिक विमानस्थल बन्ने र त्रिभुवन विमानस्थलको ३० प्रतिशत हवाई ट्राफिक घट्ने ५ वर्षे कार्ययोजनामा उल्लेख छ । यस्तै निजगढ अन्तर्राष्ट्रिय विमानस्थलको काम ५० प्रतिशत पूरा गर्ने पनि कार्ययोजनामा उल्लेख छ ।
२०७९-८० सम्म त्रिभुवन विमानस्थल विस्तार पूरा हुने, भैरहवा र पोखरा अन्तर्राष्ट्रिय विमानस्थलको काम सम्पन्न हुने र नेपालमा पर्यटकको संख्या बढ्ने उल्लेख छ । संघीय, प्रदेश र स्थानीय गरी ३ वटै सरकारले आवश्यक नीति बनाएर कार्यान्वयन गर्दा यो उपलब्धि पूरा हुने पनि मन्त्रालयको दावी छ
यस्तै ५ वर्षभित्र नेपालका सबै होटलको गुणस्तर डिजिटल माध्यमबाट अनुगमन गरिने, पर्यटन सेवामा गुणस्तर कायम हुने, मापदण्ड बनाएर तारे र गैरतारे होटलको वर्गीकरण पनि गरिसक्ने कार्ययोजनामा उल्लेख छ ।
यसै वर्षको बजेटमा परेका १ सय वटा गन्तव्यलाई नयाँ पर्यटकीय गन्तव्य बनाउने मन्त्रालयको योजना छ । ५ हजार जना क्षमता भएको अन्तर्राष्ट्रिय सेमिनार हल बनाउने, फेवातालमा अन्तर्राष्ट्रिय स्तरको सफ्ट एडभेन्चर पूर्वाधार तयार हुने, अन्तर्राष्ट्रिय स्तरको फनपार्क सञ्चालनमा ल्याउने मन्त्रालयको योजना छ । हरेक वर्ष पर्यटन विधामा १० हजार दक्ष जनशक्ति उत्पादन गर्ने, पर्यटन विश्वविद्यालय स्थापना गर्ने पनि योजना रहेको छ ।
विश्वका ठूला मिडियामा नेपालको प्रचार
संस्कृित पर्यटन तथा नागरिक उड्ययन मन्त्रालयले ५ वर्षपछि विश्वमा कहलिएका मिडिया र सामाजिक सञ्जालमा नेपालको पर्यटन क्षेत्रबारे धेरै सामग्रीको प्रचारप्रसार हुने पनि दावी गरेको छ । नेपालमा आउने पर्यटकले नेपालको बारेमा गर्ने प्रचारप्रसार र नेपालले पनि आफै गर्ने प्रचार अनि यहाँको गुणस्तरका कारण विश्वले नै नेपाल चिन्ने मन्त्रालयको दावी छ ।
सांस्कृतिक तथा धार्मिक क्षेत्रको प्रचारप्रसार
पशुपतिनाथको मन्दिरमा मुख्य चाडमा २० लाख भक्तजनले दर्शन गर्नसक्ने गरी बाटो र प्रांगण बनाउने मन्त्रालयको योजना छ । तिलगंगा, गौशला, गुहेश्वरी, गौचरण लगायतका क्षेत्रमा हरियाली पार्क बनाउने र बाह्य तथा आन्तरिक पर्यटकको संख्या बढाउने, बृहत् ध्यान केन्द्र बनाउने लगायतका योजना पनि कार्ययोजनामा समेटिएका छन् ।
रामायण ट्रेल सञ्चालन गर्ने तथा मिथिला क्षेत्रलाई नै पर्यटकीय क्षेत्रको रुपमा विकास गर्ने मन्त्रालयको योजना छ । लुम्बिनीलाई अन्तर्राष्ट्रिय बुद्धिष्ट सर्किटसँग जोड्ने र पर्यटकको संख्या ३ गुणाले बढाउने कार्ययोजनामा उल्लेख छ ।
५ वर्षभित्र भूकम्पबाट क्षति भएका सम्पदाको पुनर्निर्माण सम्पन्न हुने र धार्मिक पर्यटक पनि उल्लेख्य बढ्ने मन्त्रालयको प्रक्षेपण छ ।
नारायणहिटी संग्राहलयको गुरुयोजना पूरा भएर पर्यटक बढ्ने कार्ययोजनामा उल्लेख छ । काठमाडौंमा सांस्कृतिक संग्राहलय स्थापना भएर सञ्चालनमा आउने, पाथीभरा, हलेसी, लुम्बिनी लगायका क्षेत्रमा पर्यटकको चहलपहल बढाउने पनि मन्त्रालयको दावी छ । मुक्तिनाथ,त्रिवेणी, देवघाट, स्वर्गद्धारी गायतका क्षेत्रमा भारतीय पर्यटकको संख्या दोब्बर बनाउने पनि मन्त्रालयले जनाएको छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
अर्जुन पोख्रेल
उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ। 
2 Comments
समाचार
-
-
११ वटा एयरलाइन्सले हवाई भाडादरको विवरण बुझाए
मंसिर ७, २०८१ शुक्रबार
-
पहाडी भेगका केही ठाउँमा हल्का वर्षाको सम्भावना
मंसिर ७, २०८१ शुक्रबार
-
तीन वर्षपछि ‘बी’ डिभिजन लिग माघमा हुँदै
मंसिर ७, २०८१ शुक्रबार
-
युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र...
मंसिर ७, २०८१ शुक्रबार
-
सार्वभौम साख मूल्याङ्कनमा नेपालको सन्तोषजनक नतिजा, दक्षिण एशिय...
मंसिर ७, २०८१ शुक्रबार
-
खोला किनारको २० मिटर मापदण्डको फैसलामा सर्वोच्चले पुनरावलोकन...
मंसिर ७, २०८१ शुक्रबार
-
विश्व विजेता किक बक्सर ‘हिमचितुवा’ घिमिरे नेपालमा सम्मानित
मंसिर ७, २०८१ शुक्रबार
-
चितवनमा धान उत्पादन घट्यो
मंसिर ६, २०८१ बिहिबार
-
अर्घाखाँचीको सन्धिखर्क नगरपालिका र मातहतका कार्यालयमा हट्यो ढड्...
मंसिर ६, २०८१ बिहिबार
-
अलैंचीको मूल्य उच्च विन्दूमा, ४० किलाेकाे एक लाख सात हजार रु...
मंसिर ६, २०८१ बिहिबार
-
पहिलो चौमासिकमा राजस्व सङ्कलन बढ्यो
मंसिर ६, २०८१ बिहिबार
-
दैलेखको दुल्लूमा बोक्सीको आरोपमा एक जनाको हत्या
मंसिर ६, २०८१ बिहिबार
-
काठमाण्डौ उपत्यकामा ३ जना मृत भेटिए
मंसिर ६, २०८१ बिहिबार
विचार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
-
जलवायु परिवर्तनप्रति सचेत छठ पर्वको वैज्ञानिक र पर्यावरणीय महत्त्व
कात्तिक २१, २०८१ बुधबार
-
डेङ्गी सङ्क्रमणको उच्च जोखिम कात्तिक मसान्तसम्म
कात्तिक २१, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
Ram Hari Sharma
Aug. 2, 2018, 8:11 p.m.Very nice plan. Let's contibute to make the plan a success.
Ram Hari Sharma
Aug. 2, 2018, 8:10 p.m.Very nice plan. Let's contibute to make the plan a success.