कुवेतबाट स्वदेश फर्किए १५० नेपाली

असार ६, २०७७ शनिबार ११:५३:४४ | उज्यालो सहकर्मी

काठमाण्डौ – आज पनि कुवेतबाट १५० जना महिला स्वदेश फर्किएका छन् । कुवेतमा आममाफीमा सहभागी महिला कुवेतबाट जजिरा एअरमार्फत केहीबेरअघि काठमाण्डौमा अवतरण गरेका हुन् । कुवेतले जजिरा एअरमार्फत दिनहुँ त्यहाँ आममाफीमा सहभागी नेपालीलाई आफ्नै खर्चमा नेपाल पठाइरहेको छ ।

कुवेतले रोजगारदाता परिवर्तन गर्दा लाग्ने शुल्क र भिसा नवीकरण नगर्दा अवैधानिक भएका नेपालीलाई आममाफीको अवसर दिएर निःशुल्क रुपमा काठमाण्डौसम्म ल्याइदिएको हो । कुवेतबाट हिजो शुक्रबारसम्म ६ उडानमार्फत ८ सय ९८ जना स्वदेश फर्किसकेका छन् । त्यहाँ आममाफी सहभागी भएकालाई कुवेत सरकारले नै सेल्टरमा व्यवस्था गरेर राखेको थियो ।

आममाफीमा सहभागी झण्डै तीन हजार नेपाली छन् । उनीहरु सबैलाई कुवेतले निःशुल्क रुपमा ल्याइदिने छ । जसमध्ये अहिले महिला श्रमिकलाई प्राथमिकतामा राखेर स्वदेश फर्काइएको छ । बाँकीको हकमा पनि प्रक्रिया अघि बढिसकेकाले दूतावासले जनाएको छ । यस्तै आज कोरियाबाट २२८ जना नेपाली काठमाण्डौ आएका छन् ।

कोरियन एअरको चार्टर्ड उडानमार्फत बिहान आफ्नै खर्चमा उनीहरु स्वदेश फर्किएका हुन् । आजै त्यही जहाजमार्फत १६१ जना नेपाली कोरिया उडेका छन् । कोरियाबाट बिदामा नेपाल आएका र फर्कनका लागि भ्यालिड भिसा र श्रम स्वीकृति भएका नेपालीहरु मात्रै फर्कन लागेको ईपीएस कोरिया शाखाका अधिकृत बाबुराम घिमिरेले जानकारी दिनुभयो ।

हिजो बसेको कोभिड १९ क्राइसिस् म्यानेजमेन्ट कमिटीको बैठकले बिदामा आएका, पढ्न जाने विद्याथी र नयाँका लागि पनि वैदेशिक रोजगारी फेरि खुलाउने निर्णय गरेको छ । सरकारले लकडाउन हुनुअनि नै वैदेशिक रोजगारीमा जानेका लागि श्रम स्वीकृति दिन रोकेको छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्